മിനായിലെ തീ...

ഏക്കർകണക്കിന് സ്ഥലത്ത് നിരനിരയായി നിൽക്കുന്ന ടെന്റുകൾ ഓരോന്നായി കത്തിത്തുടങ്ങിയിരിക്കുന്നു. തീ പടർന്നു പിടിക്കുകയാണ്. എന്തു ചെയ്യണമെന്നറിയാതെ എല്ലാവരും ഭയന്നു നിൽക്കുന്നു-97ലെ ഹജ്ജിനിടെ മിനായിലുണ്ടായ തീപിടിത്തത്തിൽ നിന്ന് രക്ഷപ്പെട്ട അനുഭവം പങ്കുവെക്കുന്നു...

-  ഷമീമ വളപട്ടണം

1997ൽ മിനായിലുണ്ടായ തീ പിടിത്തം ആ വർഷം ഹജ്ജ് കർമത്തിൽ പങ്കെടുത്തവരാരും തന്നെ മറക്കാനിടയില്ല. ലോക ജനതയെ ഒന്നടങ്കം കണ്ണീരിലാഴ്സത്തിയ, ലോകം ഏറെ ദുഃഖത്തോടെ ശ്രവിച്ച ഒരു വാർത്തയായിരുന്നു മിനായിലെ തീപിടിത്തം. ലോകത്തിന്റെ നാനാ ഭാഗത്തു നിന്നുമായി 25 ലക്ഷം പേരാണ് അന്ന് ഹജ്ജ് കർമത്തിനായി മക്കയിൽ എത്തിച്ചേർന്നത്.