ബിവൈഡി ഇമാക്സ് 7

530 കിലോമീറ്റർ റേഞ്ചുമായി ഇന്ത്യൻ വിപണിയിലെ ആദ്യ 6,7 സീറ്റർ എംപിവി

- നോബിൾ എം. മാത്യു

ഇന്ത്യൻ വിപണിയിലെ ആദ്യ 6-7 സീറ്റർ ഇലക്ട്രിക് എംപിവിയുമായി ബിവൈഡി ഇന്ത്യ. നിലവിൽ വിപണിയിലുണ്ടായിരുന്ന എംപിവി ഇന്റെ പകരക്കാരനാണ് ഇമാക്സ്7. എംപിവി സെഗ്മെന്റിലെ ബെസ്റ്റ് സെല്ലർ ടൊയോട്ട ഇന്നോവ അടക്കമുള്ളവർക്കു കടുത്ത വെല്ലുവിളിയുമായാണ് ഇമാക്സ് 7 ന്റെ വരവ്.

ഡിസൈൻ

ഇ6ന്റെ ഡിസൈൻ തീം തന്നെയാണ് ഇമാക്സ് 7ലും ബിവൈഡി അവലംബിച്ചിരിക്കുന്നത്. 4710 എംഎം ആണ് നീളം. വീതി, ഉയരം എന്നിവ യഥാക്രമം 1810 എംഎം 1690 എംഎം. 2800 എംഎം ആണ് വീൽബേസ്. ഡ്രാഗൺ ഫേസ് ഡിസൈനാണ് ഹൈലൈറ്റ്. ഹെഡ്ലാംപും ബംപറുമെല്ലാം പരിഷ്കരിച്ചു. ക്രിസ്റ്റൽ ഡയമണ്ട്ഫ്ലോട്ടിങ് എൽഇഡി ഹെഡ്ലാംപ്, എൽഇഡി ടെയിൽ ലാംപ്, പനോര മിക് ഗ്ലാസ് റൂഫ് എന്നിവ പുറം കാഴ്ചയിലെ പുതുമകൾ. ക്രോം ഇൻസേർട്ടുകൾ മുന്നിലും പിന്നിലും നൽകിയത് പ്രീമിയം ഫീൽ നൽകുന്നുണ്ട്. 225/55 R17 ടയറുകളാണ്. പുതുമയുള്ള അലോയ് വീൽ ഡിസൈൻ. നാല് കളർ ഓപ്ഷനുകളുണ്ട് ഇമാക്സ് 7ന്.

പ്രീമിയം ഇന്റീരിയർ