ആർദ്രമീ ആർഡൻ

ആർഡൻ സേവനങ്ങൾ ഏറ്റെടുക്കും മുൻപേ രോഗിയെപ്പറ്റി വിശദമായി പരിശോധന നടത്തും. ഈ പരിശോധനയിലൂടെ രോഗിയുടെ നിലവിലെ സ്ഥിതി കൃത്യമായി അറിയാ നാകും. രോഗി ഉറക്കമുണരുന്നതു മുതൽ ഉറങ്ങുന്നതു വരെ നിരീക്ഷിക്കും. രോഗാവസ്ഥ മനസിലാക്കിയെടുക്കുന്നു. ഒപ്പം, രോഗീ സൗഹൃദ മുറിയൊരുക്കിയെടുക്കുകയാണ് അടുത്ത പടി. ചികിത്സയ്ക്കാവശ്യമായ ഉപകരണങ്ങളും കട്ടിലുകളും അടക്കമുള്ളവ സ്ഥാപിച്ചാണ് ഈ ക്രമീകരണം. എന്നിട്ടാണ് ഇവിടേക്കു നേഴ്സിനെ നിയമിക്കുന്നത്.

നേഴ്സിങ് മേഖലയിൽ പ്രതിസന്ധി നിലനിന്ന കാലം. നാമമാത്ര ശമ്പളം. തൊഴിലിൽ മേഖലയിൽ ഒന്നൊഴിയാതെ പ്രതിസന്ധികൾ.ജോലി സ്ഥിരതയും വരുമാനവും വെല്ലുവിളിയായി ഉയർന്ന സമയത്ത് രണ്ട് ആത്മമിത്രങ്ങൾ കൈകോർത്തു. ടോണി ജോസഫും ടി. എസ് റിജേഷും. രാത്രികളെ പകലുകളാക്കി ഇരുവരും ഹോസ്പിറ്റലിനു പുറത്തു വീടുകളിൽ പോയി എക്സ്ട്രാ ജോലി ചെയ്തു. വീട്ടിലെത്തി രോഗികൾക്കുള്ള പരിചരണം. പിടിച്ചു നിൽക്കാൻ കണ്ടെത്തിയ വഴി. ഓരോ ദിവസവും ഹോം ഹെയറിനായി ആവശ്യക്കാർ ഏറി. ഈ മേഖലയിൽ എക്സ്ട്രാ ജോലി തേടുന്നവർ ഏറെയുണ്ടെന്നു ഇരുവരും മനസിലാക്കി. ഇരുവരും ചെർന്നു ആരും കൈവെച്ചിട്ടില്ലാത്ത നേഴ്സിങ് മേഖലയിലെ, പേഴ്സണൽ കെയർ രംഗത്ത് പുതു സംരംഭത്തിന് തുടക്കമിട്ടു. ഇന്നു കേരളമാകെ പടർന്നു പന്തലിച്ചു കിടക്കുന്ന ആർഡൻ ഹോം ഹെൽത്ത് കെയർ എന്ന പേഴ്സണൽ കെയർ രംഗത്ത് മെഡിക്കൽ സ്ഥാപനത്തിനു തുടക്കമാകുകയായിരുന്നു.

നേഴ്സിൽ നിന്ന് ഹോം ഹെൽത്ത് കെയറിലേക്ക്