മയക്കുമരുന്ന് അടിമത്തം പുതുതലമുറ നേരിടുന്ന ആശങ്കയുടെ ഭീകരമുഖം

ലഹരിമരുന്ന്, ആദ്യമായി ഉപയോഗിക്കുന്ന വ്യക്തി അത് അയാളുടെ ശരീരത്തി ന് ദോഷം ചെയ്യുന്നതിനെക്കുറിച്ച് ചിന്തിക്കാതെ ഉപയോഗിക്കാൻ തുടങ്ങുന്നു. ഒരു സാധാരണ ഉപഭോക്താവ് മാത്രമായതിനാൽ മയക്കുമരുന്ന് ഒരു പ്രശ്ന മാകില്ലെന്ന് അയാൾ ചിന്തിച്ചേക്കാം. എന്നാൽ എത്രത്തോളം ലഹരിമരുന്ന് കഴിക്കുന്നുവോ അത്രയധികം ആ വ്യക്തി അതിന്റെ ഫലങ്ങളോട് സഹിഷ്ണുത വളർത്തിയെടുക്കുന്നു. ഇത് കാലക്രമേണ ലഹരി അധികമായി ലഭിക്കുന്നതിന് വലിയ ഡോസുകൾ എടുക്കേണ്ടതിന്റെ ആവശ്യകതയിലേക്ക് നയിച്ചേക്കാം.

- Dr Arun Oommen

തിളക്കം എന്ന സിനിമയിൽ നടൻ ദിലീപ് തന്റെ അളിയനായ സലിം കുമാർ കൊടുത്ത കഞ്ചാവ് വലിച്ചതിനുശേഷം അനായാസമായി ഇംഗ്ലീഷ് സംസാരിക്കുന്നതു എല്ലാവരെയും ഒത്തിരിയേറെ ചിരിപ്പിച്ച ഒരു രംഗമായിരുന്നു. എന്നാൽ യഥാർത്ഥത്തിൽ കഞ്ചാവ് എന്ന ലഹരിവസ്തുവിന്റെ ഉപയോഗം അത്ര നല്ലതല്ല. സോഷ്യൽ മീഡിയയിലും മറ്റു മാധ്യമങ്ങളിലുമെല്ലാം തന്നെ ഇതിന്റെ ഭീകരവശങ്ങളെക്കുറിച്ചുള്ള വാർത്തകൾ ആണ് ഇന്ന് നാം ദൈനംദിനം അറിഞ്ഞുകൊണ്ടിരിക്കുന്നത്. മയക്കുമരുന്നിന്റെ ഉപയോഗം നിമിത്തം മോഷണം, പീഡനം, കൊലപാതകം പോലുള്ള ഭീതികരമായ കുറ്റകൃത്യങ്ങളിലേക്കാണ് ഇന്നത്തെ യുവതലമുറ നടന്നുനീങ്ങുന്നത്. എന്താണ് ഈ ലഹരിമരുന്നുകൾ ഒരു വ്യക്തിയിൽ സൃഷ്ടിക്കുന്ന മാറ്റങ്ങൾ? എങ്ങിനെയാണ് അവ ഒരു വ്യക്തിയെ അതിനു അടിമയാക്കുന്നത്? ഇതിൽ നിന്നും പൂർണ്ണമായ മോചനം സാധ്യമാണോ? ഇവയെകുറിച്ചു നമുക്കൊന്ന് വിശകലനം ചെയ്യാം.

എന്താണ് മയക്കുമരുന്നുകൾ?

ഒരു വ്യക്തിയുടെ മാനസികമോ ശാരീരികമോ ആയ അവസ്ഥയെ മാറ്റുന്ന പദാർത്ഥങ്ങളാണ് മയക്കുമരുന്നുകൾ. ഇതുപയോഗിക്കുന്നതുമൂലം ആ വ്യക്തിയുടെ മസ്തിഷ്കം പ്രവർത്തിക്കുന്ന രീതി, വികാരങ്ങൾ, പെരുമാറ്റം, ധാരണ, ഇന്ദ്രിയങ്ങൾ എന്നിവയെയൊക്കെ ബാധിക്കും. ഇത് അവരെ പ്രവചനാതീതമായ അപകടകാരികളുമാക്കുന്നു, പ്രത്യേകിച്ച് യുവതലമുറയെ.

എങ്ങനെയാണ് മയക്കുമരുന്നുകൾ ഒരു വ്യക്തിയുടെ ശരീരത്തിൽ അതി ന്റെ ആധിപത്യം സ്ഥാപിക്കുന്നത്?

 ലഹരിമരുന്നുകൾക്ക് ഹ്രസ്വകാലവും ദീർഘകാലവുമായ ഫലങ്ങൾ ഉണ്ടാകും. ഇവ ശാരീരികവും മാനസികവുമാകാം, കൂടാതെ ആശ്രിതത്വം ഉൾപ്പെടാം. മയക്കുമരുന്ന് ഉപയോഗിക്കുന്ന വ്യക്തി തികച്ചും വ്യത്യസ്തമായി ചിന്തിക്കുകയും പ്രവർത്തിക്കുകയും ചെയ്യാം. അതോടൊ പ്പം തന്നെ സ്വയം പ്രവർത്തനങ്ങളെയും ചിന്തകളെയും നിയന്ത്രിക്കാൻ ആ വ്യക്തിക്ക് ബുദ്ധിമുട്ട് നേരിടേണ്ടിവരുന്നു.