మదర్స్ డే

మదర్స్ డే

- కథ • లైఫాంగ్ వాంగ్

సారా చదువుతున్న స్కూల్లో మూడవ తరగతి పిల్లలకు క్లాస్ టీచర్ సుమ త్వరలో మదర్స్ డే వస్తుందని చెప్పింది. మదర్స్ డే అంటే ఏమిటో, ఎందుకు జరుపుకుంటారో, దాని ప్రాముఖ్యత గురించి ఆమె పిల్లలకు వివరించింది.

సారా, ఆమె సహ విద్యార్థులను తమ తల్లుల కోసం యాక్టివిటీగా ఏదైనా ఒక బహుమతి తయారుచేసుకుని రమ్మని, ఒక చిన్న బహుమతి తల్లులను గౌరవించడానికి, వారు చేసే పని మెచ్చుకోవడానికి ఎంతో ఉపయోగపడుతుందని టీచర్ సుమ చెప్పింది.

స్కూలు బెల్ మోగగానే సారా వాళ్ల అమ్మను ఆశ్చర్య పరిచేలా చేయడానికి ఏం చేయాలా అని తన మిత్ర బృందంతో చర్చించింది. సారా మిత్రబృందంలో రోనక్, ప్రీతి, సారిక, కరణ్ లు ఉన్నారు. ఇంటికి వెళ్తున్న సమయంలో ఐడియాల గురించి చర్చించుకున్నారు.అమ్మను ఉదయాన్నే బ్రేక్ఫాస్ట్లో సర్ప్రైజ్ చేయడం, గ్రీటింగ్ కార్డ్ సిద్ధం చేయడం, ఇంటిని అలంకరించడం లాంటి ఆసక్తికరమైన ఐడియాల గురించి మాట్లాడు కున్నారు. కరణికి ఒక మంచి ఆలోచన వచ్చింది. ఈమధ్యే తాను క్రాఫ్ట్ క్లాసులో నేర్చుకున్న 'ఓరిగామి బొకే'ను తయారుచేసి ఇచ్చి ఆమెను ఆశ్చర్యపరచాలనుకున్నాడు.

వీరు ఇలా చర్చించుకుంటున్నప్పుడు వీధి మూలలో నుంచి 'మియాం మియాం' అంటూ శబ్దం వినిపించింది. కరణ్ అటువైపు చూసాడు.మిత్ర బృందం అక్కడ ఆగిపోయింది. అక్కడ ఆరు పిల్లి పిల్లలు ఉన్నాయి. అవి ఇంకా కళ్లు తెరవలేదు. ఇంతలో వాటి తల్లి అక్కడికి వచ్చి పిల్లలను పక్కకు తీసుకు వెళ్లింది.పాలివ్వసాగింది. దాని చెవి గాయపడి ఉంది.దాన్ని చూసి సారా బాధపడింది. తర్వాత వారు ఇంటివైపు దారి తీసారు.

ఇంటికి చేరుకున్నాక సారా నేరుగా కిచెన్లోకి వెళ్లింది ఏమైనా స్నాక్స్ దొరుకుతాయేమోనని.

“అమ్మా సారా, ముందు చేతులు కడుక్కుని ఫ్రెష్ అవ్వు. ఆలోగా నేను లంచ్ రెడీ చేస్తాను” చెప్పింది సారా తల్లి.

“అమ్మా, నాకు చాలా ఆకలిగా ఉంది. అప్పటిదాకా తినడానికి కొన్ని చిప్స్ ఇస్తావా?” అడిగింది సారా.