గుడ్డు రహస్యం

గుడ్డు రహస్యం

- కథ • మధు గోయల్

క్రిష్ తండ్రి విపుల్ సెంట్రల్ పబ్లిక్ వర్క్స్ ' డిపార్ట్మెంట్లో ఇంజనీర్. రోడ్డు నిర్మాణం కోసం అతడిని నేపాల్లోని ఓ అడవికి బదిలీ చేసారు. దాంతో కుటుంబంతో అతను నేపాల్లో స్థిరపడ్డాడు.

ఒక రోజు ఉదయం పూట ఇంట్లో వాళ్లంతా ఎవరి పనుల్లో బిజీగా ఉన్నారు. క్రిష్ బాల్కనీలో నిలబడి బయటి దృశ్యాన్ని చూస్తూ ఆనందిస్తున్నాడు.సూర్యుడు చెట్లలోంచి తొంగి చూస్తున్నట్లుంది.పక్షుల కిలకిల రావాలు, కోకిల కూతలు, చుట్టూ పచ్చదనం. అక్కడక్కడ కొంతమంది మాత్రమే ఉన్నారు. అతను ఇంతకు ముందెన్నడూ ఇలాంటి మనోహరమైన దృశ్యాలను చూడలేదు. క్రిష్కి అంతా కొత్తగా, ఆహ్లాదకరంగా ఉంది.

చుట్టూ చూసేసరికి క్రిష్కి బాల్కనీలో తన బ ుక్ షెల్ఫ్్ప ఒక గుడ్డు కనిపించింది. చిన్న బాల్ అనుకుని గుడ్డును చేతిలోకి తీసుకున్నాడు. అతను దానిని తిప్పి చూసి బాల్ కాదని గ్రహించాడు. “ఓహ్! ఇది గుడ్డు!” అనుకున్నాడు. తన తల్లి ఆమ్లెట్ వేయడం చూసాడు.

తల్లి రేఖ దగ్గరకు పరుగెత్తుకుంటూ వెళ్లి “మమ్మీ చూడు, నాకు గుడ్డు దొరికింది!” అని చెప్పాడు.

రేఖ క్రిష్ చేతిలోని గుడ్డు చూసి “ఇది నీకు ఎక్కడ దొరికింది?” అని అడిగింది.

క్రిష్ బాల్కనీవైపు చూపిస్తూ “బుక్ షెల్ఫ్” అని జవాబిచ్చాడు.

"షెల్ప్ లోనా? కానీ అక్కడ గుడ్డు ఎక్కడ నుంచి వచ్చింది?”

“నాకు తెలియదు మమ్మీ. కానీ నేను దానిని అక్కడ చూసాను”.

“సరే వెళ్లి డస్ట్ బిన్లో వేయి”.

"ఎందుకు? నాకు దొరికింది. నేను చూసాను.నేను దానిని చెత్తబుట్టలో వేయను!” క్రిష్ మొండిగా చెప్పాడు.

అప్పుడు రేఖ "క్రిష్, అది ఎలాంటి గుడ్డ ఎక్కడి నుంచి వచ్చిందో మనకు తెలియదు. ఈ గుడ్డును డస్ట్ బిన్లో వేయి. నేను నీ కోసం అలాంటి గుడ్లు చాలా కొనిస్తాను” అని చెప్పింది.

క్రిష్ తల్లి మాటకు కట్టుబడి గుడ్డును డస్ట్ బిన్ లో పడేసాడు.