செப்பு மொழி ஐந்துடையாள்!

கீர்த்தி ஷெட்டி... கன்னத்தில் குழி விழ சிரிக்கும் அழகி! அவருடைய எளிமை, ஒரு தோழியிடம் பேசுவதுபோன்ற சுதந்திரத்தைக் கொடுக்கும்

- எஸ்.ராஜா

பிறந்தது மும்பை என்றாலும் வளர்ந்தது தென்னிந்தியா என்பதால் தமிழ், தெலுங்கு, இந்தி உட்பட ஐந்து மொழிகளில் சரளமாகப் பேசுகிறார்.

தெலுங்கில் இவருடைய அறிமுகப் படமான ‘உப்பண்ணா’ பாக்ஸ் ஆபீஸ் ஹிட் என்பதால் அங்கு கீர்த்தியின் புகழ் அதிகம். லிங்குசாமியின் ‘வாரியர்’ படத்தின் மூலம் ஏற்கனவே தமிழ் ரசிகர்களுக்கு அறிமுகமானவர் இப்போது வெங்கட்பிரபுவின் ‘கஸ்டடி’ மூலம் மீண்டும் தமிழுக்கு வந்துள்ளார். எந்தவொரு கேள்விக்கும் உடனடியாக பதிலளிக்கிறார்.

மீண்டும் தமிழில்... எப்படி இருந்தது ‘கஸ்டடி’ அனுபவம்?

 

‘கஸ்டடி’ வாய்ப்பு என்னிடம் வந்தபோது இயக்குநர் வெங்கட் பிரபுவிடம் என்ன காரணத்துக்காக என்னை செலக்ட் பண்ணினீர்கள் என்று கேட்டேன். ஏனெனில், சமீபத்தில்தான் நாக சைதன்யாவுடன் நடிச்ச ஒரு படம் வெளியானது. மீண்டும் ஏன் அதே காம்பினேஷன் என்ற கேள்வியுடன் சந்திப்பு நடந்துச்சு.

 

சினிமாவில் அவ்வளவு சீக்கிரத்தில் ரிப்பீட் பண்ணமாட்டார்கள். ‘கஸ்டடி’யை நான் செலக்ட் பண்ண காரணம் எனக்கான முக்கியத்துவம் இருந்துச்சு. வழக்கமா ஆக்‌ஷன் படத்தில் ஹீரோயினுக்கான வாய்ப்பு மிகவும் குறைவாகத்தான் இருக்கும். ஆனா, ‘கஸ்டடி’ படத்தில் ஆரம்பக் காட்சி முதல் க்ளைமாக்ஸ் காட்சி வரை முக்கியத்துவம் இருந்ததை படம் பார்க்கும்போது தெரிந்திருக்கும்.

 

வெங்கட் பிரபு சார் கதை சொல்லும்போது ரொம்ப கூலா சொன்னார். ஆனா, எனக்கு ஸ்டோரி லைன் கேட்டதும் ஆர்வத்தை தூண்டுச்சு. வெங்கட்பிரபு சார் படங்கள் எனக்கு பிடிக்கும். அவருடைய படங்களிலிருந்து இந்தப் படம் வித்தியாசமா இருந்துச்சு. செட்ல சார் எப்போதும் கூலா இருப்பார். ஆர்ட்டிஸ்ட்டுகளை என்கரேஜ் பண்ணுவதில் அவருக்கு நிகர் அவர்தான்.