அதிகரிக்கும் GYM மரணங்கள்...என்னகாரணம் ?

‘ஜிம் ‘ஹிம்'முக்கு செல்பவர்கள் ஆரோக்கியமானவர்கள்... உடல் வலு கொண்டவர்கள்... நோய் எதிர்ப்பு சக்தி படைத்தவர்கள்... என்றெல்லாம் அனைவரும் நம்பிக் கொண்டிருக்கிறோம்.

- ஜான்சி

ஆனால், ஜிம் மரணங்கள் தொடர்ந்து நிகழ்ந்தவண்ணம் இருக்கின்றன.

சென்ற வாரம் கூட சேலம் மாவட்டத்தைச் சேர்ந்த ஜிம் உரிமையாளர் அதுவும் 36 வயதே ஆன மஹாதிர் முகமது ஜிம்மிலேயே மாரடைப்பால் இறந்திருக்கிறார். இது பெரும் அதிர்ச்சியை ஏற்படுத்தியுள்ளது.

கன்னடத் திரையுலகின் சூப்பர் ஸ்டாராகத் திகழ்ந்த புனித் ராஜ்குமார் முதல் சாதாரண, சாமான்ய மனிதர்கள் வரை ஜிம்மில் பயிற்சி செய்யும்போது மாரடைப்பு ஏற்பட்டு மரணம் அடைந்து வருகிறார்கள். இந்த எண்ணிக்கை அதிகரித்தபடி இருப்பதுதான் பெரும் ஷாக்.

இந்நிலையில் ஜிம் வொர்க் அவுட் குறித்த பல்வேறு சந்தேகங்கள் எழுந்துள்ளன. இதற்கெல்லாம் இதய மருத்துவர்கள் என்ன விடை அளிக்கிறார்கள்? தொகுத்துப் பார்ப்போம்.

ஒவ்வொரு மனிதனின் உடலிலும் மொத்தம் மூன்று இதயங்கள் உள்ளன என்கிறார்கள் இதய நோய் மருத்துவர்கள்.

நெஞ்சுப்பகுதியில் ஒன்று, வலது மற்றும் இடது கெண்டைக் கால் பகுதி தசைகள் முறையே இரண்டாவது, மூன்றாவது இதயங்களாக உள்ளன. இந்த கெண்டைக்கால் இதயத்தை பெரிஃபரல் ஹார்ட் (Peripheral Heart) என மருத்துவர்கள் குறிப்பிடுகிறார்கள்.