സൂഫിയിൽ നിന്ന് ശാകുന്തളത്തിലേക്ക്....ദേവ് മോഹൻ

"സൂഫിയിൽ ഞാൻ നന്നായിട്ടുണ്ടെന്ന് പലരും പറയുമ്പോൾ അത് പതിയെ സ്വാഭാവികമായി സംഭവിച്ച ഒരു കാര്യമാണെന്നാണ് പറയാനുള്ളത്. സൂഫിയെന്ന് കേൾക്കുമ്പോൾ നിങ്ങളെയാണെനിക്കിഷ്ടമെന്നും ഓർമ്മ വരുന്നതെന്നും ചിലർ പറയാറുണ്ട്. അതെല്ലാം സംഭവിച്ചതാണ്. ഞാനൊരിക്കലും സംഭവിപ്പിച്ചതല്ല.

- ജി. കൃഷ്ണൻ

നമ്മൾ ചിന്തിക്കുകയും തീരുമാനിക്കുകയും ചെയ്യുന്നതു പോലെ ആയിരിക്കില്ലല്ലോ പലപ്പോഴും കാര്യങ്ങൾ നടക്കുന്നത്."സൂഫിയും സുജാതയും' എന്ന സിനിമയിലൂടെ ശ്രദ്ധേയനായ നടൻ ദേവ്മോഹന്റെ മനസ്സിലും ഉണ്ടായിരുന്നു ചില ആഗ്രഹങ്ങളും തീരുമാനങ്ങളും.

സിനിമാമോഹങ്ങൾ പണ്ടെങ്ങോ മനസ്സിൽ ചേക്കേറി. അങ്ങനെ മനസ്സിൽ കൂട്ടുകൂടിയിരിക്കുമ്പോൾ തോന്നിയിരുന്നു. സിനിമയിലേക്ക് വരും മുമ്പ് തീയറ്റർ ആർട്ടിസ്റ്റായിരിക്കണം, ബേസ് അതാകുമ്പോൾ സിനിമ ത് നല്ല രീതിയിൽ ഗുണം ചെയ്യും.

ഇങ്ങനെയെല്ലാം വിചാരിച്ചിരിക്കുമ്പോഴാണ് ദേവ്മോഹന് ബാംഗ്ലൂരിൽ ജോലി കിട്ടുന്നത്. പഠനം കഴിഞ്ഞയുടനെ ജോലി കിട്ടിയപ്പോൾ ഉപേക്ഷിക്കാതെ ജോലിയിൽ പ്രവേശിച്ചു. ജോലി നല്ല രീതിയിൽ തുടർന്നു. അപ്പോഴും സിനിമ മനസ്സിലുണ്ടായിരുന്നു. കുറെനാൾ ജോലിയിൽ തുടർന്നപ്പോൾ ഇടയ്ക്കൊന്ന് ബൈക്ക് ചെയ്താലേ സിനിമ ചെയ്യാൻ കഴിയൂ എന്ന് തോന്നിയിരുന്നു. സിനിമ ഒന്ന് ട്രൈ ചെയ്ത് നോക്കുക. ചെയ്തിട്ട് അത് ഫെയിലിയറായാലും കുഴപ്പമില്ല... എന്നും കരുതി. ഒട്ടുമേ ട്രൈ  ചെയ്യാതിരുന്നിട്ട് സിനിമ തേടി വരികയാന്നുമില്ല.

ഇനി ഓഡിഷൻ കാൾ ഒക്കെ അറ്റൻഡ് ചെയ്യാം എന്നുകരുതി യിരിക്കുമ്പോൾ വളരെ യാദൃച്ഛികമായി സൂഫിയും സുജാതയും കാൾ വന്നു.

എല്ലം ഒരു നിമിത്തം പോലെ സംഭവിക്കുകയായിരുന്നു എന്നു വേണം പറയുവാൻ. ഒരു പ്രൊഫൈൽ ഉണ്ടാക്കി ഫ്രൈഡേ ഫിലിംസിലേക്ക് അയച്ചു. ഓഡിഷൻ അറ്റൻഡ് ചെയ്യാൻ അവസരം കിട്ടി. അതൊരു ഏക്സ്പീരിയെൻസ് ആകട്ടെയെന്ന് കരുതിയാണ് ഞാൻ പോയത്. കഥ പറഞ്ഞു. കഥ കേട്ടിട്ട് എന്തു തോന്നിയെന്ന് ചോദിച്ചു. കഥ എനിക്കിഷ്ടപ്പെട്ടുവെന്നും സൂഫി എന്ന ക്യാരക്ടർ ചെയ്യുന്ന ആർട്ടിസ്റ്റ് ശ്രദ്ധിക്കപ്പെടാൻ സാദ്ധ്യതയുണ്ടെന്നു പറഞ്ഞപ്പോൾ നിങ്ങളാണ് സൂഫിയെ അവതരിപ്പിക്കുന്നതെന്നായിരുന്നു സംവിധായകന്റെ മറുപടി.

അന്ന് അതുകേട്ടപ്പോൾ സംവിധായകനെ അത്ഭുതം കൂറുന്ന മിഴികളോടെ ഞാൻ നോക്കി.

"അന്ന് ആ വാക്കുകൾ കേട്ടപ്പോൾ വളരെയധികം സന്തോഷം തോന്നിയിരുന്നു. പിന്നീട് പക്ഷേ, രണ്ടുവർഷങ്ങൾ കൂടി കഴിഞ്ഞിട്ടാണ് ഷൂട്ടിംഗ് നടന്നത്.' -ദേവ് മോഹൻ പറഞ്ഞു.