വിജയനായകൻ വിനായകൻ

"ഞാൻ ഒരു അയ്യങ്കാളി ചിന്താഗതി ഉളളവനാണ്. പറ്റുമെങ്കിൽ ഒരു ഫെറാറി കാറിൽ തന്നെ വരണമെന്നാണ് ആഗ്രഹം. സ്വർണ്ണകിരീടം വയ്ക്കാൻ പറ്റുമെങ്കിൽ അതും ചെയ്യും. വിനായകൻ

- ബിന്ദു പി.പി

"ഗംഗേ ടാ' എന്ന് കൃഷ്ണനോടയാൾ പറയുമ്പോൾ മലയാളികളുടെ ചെവി പൊളിയുന്ന അതേ ആഴത്തിൽ തന്നെയാണ് "ഞാനരിയും കുരലുകളെല്ലാം എന്റേതോ പൊന്നച്ഛാ? നീയരിയും കുരലും ചങ്കും എല്ലാരുടേം പൊന്മകനേ..ഞാനീമ്പിയ ചാറും ചറവും മധുവല്ലേ പൊന്നച്ഛാ? നീ മോന്തിയ മധു നിൻ ചോര ചുടുചോര പൊന്മകനേ..' എന്ന് അയാൾ നൽകിയ സംഗീതം പ്രേക്ഷകരുടെ ഹൃദയത്തിലേക്ക് ആഴ്ന്നിറങ്ങുന്നത്. ആരാണ് അയാൾ എന്നല്ലേ? അത് വിനായകൻ ആണ്. വെള്ളിത്തിരയ്ക്ക് പുറത്ത് അഭിനയിക്കാനറിയാത്ത, അടിമുടി പൊളിറ്റിക്കലായ ഒരു പച്ച മനുഷ്യൻ. പാട്രിയാർക്കി സിസ്റ്റത്തെ മുഴുവൻ തകർത്തു കൊണ്ട്, അതിനൊന്നും പുല്ലുവില കൊടുക്കാതെ മലയാള സിനിമയിലേക്ക് നടന്നു കയറിയ മനുഷ്യൻ. വിജയനായകനായ വിനായകൻ. ഇന്ത്യൻ സിനിമയിലെ ഏറ്റവും വിലപിടിപ്പുള്ള താരങ്ങളായ രജനികാന്ത്, മോഹൻലാൽ, ജാക്കി ഷെറഫ്, ശിവരാജകുമാർ തുടങ്ങിയ നടന്മാരോടെല്ലാം (കഥാപാത്രങ്ങളോട്) ഒറ്റയ്ക്ക്, നേർക്കുനേർ നിന്ന് കൊണ്ട് പൊരുതുന്ന വില്ലൻ കഥാപാത്രമായി ജയിലറിൽ വിനായകനെ കണ്ടപ്പോൾ മലയാളികൾ ഒന്നടങ്കം പറഞ്ഞു, "ഇത് താൻ വിനായകനെന്ന്. നെൽസൻ സംവിധാനം ചെയ്ത് ജയിലർ അഞ്ഞൂറുകോടി ക്ലബ്ബിൽ ഇടം പിടിച്ചു നിൽകുമ്പോൾ അവിടെ മലയാള സിനിമയുടെ യശസ്സ് പിടിച്ചുയർത്തുന്നത് മറ്റാരുമല്ല. അത് വിനായകനെന്ന നടൻ തന്നെയാണ്.

ജയിലറിന്റെ ആദ്യ ദിവസം ഷൂട്ടിനെത്തിയപ്പോൾ, അന്നെടുക്കാൻ പോകുന്ന സീനുകളെ കുറിച്ചും വിനായകന്റെ കഥാപാത്രത്തെ കുറിച്ചുമെല്ലാം സംവിധായകൻ നെൽസൺ വിനായകന് മുമ്പിൽ വളരെ ശാന്തമായി വിവരിച്ചു നൽകി. എല്ലാം കേട്ട ശേഷം വിനായകൻ നെൽസനോട് ഒരു ചോദ്യം.. 

എന്താണ് കഥാപാത്രത്തിന്റെ പേര്?