കഥ പറയുന്നതും ഫിലിം മേക്കിംഗും രണ്ടാണ് - തൻവി റാം

സിനിമയിലെത്തിയതിനു ശേഷം തൻവിറാം കേട്ട കഥകളുടെ എണ്ണം 98. ഇതിൽ, ഈ അഭിനേത്രി തെരഞ്ഞടുത്ത സിനിമകൾ പതിമൂന്ന്. ശ്രുതി രാമചന്ദ്രനെന്നാണ് യഥാർത്ഥ പേര്. സിനിമയിലെത്തിയപ്പോൾ തൻവിയെന്ന പേര് ഗൂഗിളിലൂടെ സ്വയം കണ്ടെത്തിയതും ശ്രുതിയായിരുന്നു.

- എം.എസ്. ദാസ് മാട്ടുമന്ത

സിനിമയിലെത്തിയതിനു ശേഷം തൻവിറാം കേട്ട കഥകളുടെ എണ്ണം 98. ഇതിൽ, ഈ അഭിനേത്രി തെരഞ്ഞടുത്ത സിനിമകൾ പതിമൂന്ന്. ശ്രുതി രാമചന്ദ്രനെന്നാണ് യഥാർത്ഥ പേര്. സിനിമയിലെത്തിയപ്പോൾ തൻവിയെന്ന പേര് ഗൂഗിളിലൂടെ സ്വയം കണ്ടെത്തിയതും ശ്രുതിയായിരുന്നു.

പ്രളയദുരന്തത്തിന്റെ കഥപറഞ്ഞ 2018 ൽ ടൊവിനോ തോമസ്സിന്റെ നായികയായതോടെയാണ് തൻവിറാം കൂടുതൽ ശ്രദ്ധിക്കപ്പെട്ടത്. മലയാളത്തിന് പുറമെ തെലുങ്കിലും തൻവിറാമിന് തിരക്കേറുകയാണ്. തന്റെ ചലച്ചിത്ര ജീവിതത്തെക്കുറിച്ച് തൻവിറാം സംസാരിക്കുകയാണ്..

പുതിയ ചിത്രത്തിലെ കഥാപാത്രത്തെകുറിച്ച് 

ധ്യാൻ ശ്രീനിവാസന്റെ നായികയായാണ് അഭിനയിക്കുന്നത്. മതസൗഹാർദ്ദത്തിന്റെ കഥ പറയുന്ന ഈ ചിത്രത്തിൽ ആയിഷയെന്ന കഥാപാത്രമായാണ് ഞാൻ അഭിനയിക്കുന്നത്.

തൻവിറാമിന്റെ കലാപരമായ പശ്ചാത്തലത്തെക്കുറിച്ച് സൂചിപ്പിക്കാമോ?

കണ്ണൂരാണ് സ്വദേശമെങ്കിലും ഞാൻ വളർന്നത് ബാംഗ്ലൂരിലാണ്. അച്ഛൻ രാമചന്ദ്രൻ കഴിഞ്ഞ 40 വർഷമായി ബാംഗ്ലൂരിൽ വിനയ് മ്യൂസിക് റെക്കോർഡിംഗ് സെന്റർ നടത്തുന്നു. ദക്ഷിണേന്ത്യയിലെ മികച്ച മ്യൂസിക് റെക്കോർഡിംഗിൽ സ്റ്റുഡിയോകളിലൊന്നാണ് ഞങ്ങളുടേത്. അമ്മ ജയശ്രീ വീട്ടമ്മയാണ്.  ഞങ്ങൾ രണ്ട് മക്കൾ. സംഗീതത്തെ സ്നേഹി ക്കുന്ന കുടുംബമായതിനാൽ എന്റെ പേര് ശ്രുതിയെന്നും സഹോദരന്റെ പേര് സംഗീത് എന്നുമാ .

ബാംഗ്ലൂരിലെ ഇന്ദിരാനഗർ ജ്യോതി നിവാസ് കോളേജിൽ നിന്ന് പി.യു.സിക്ക് ശേഷം ന്യൂ ഹൊറൈസൻ കോളേജിൽ നിന്നും ബി.ബി.എം പഠനം പൂർത്തിയാക്കി ഡ്യൂച്ച ബാങ്ക്, എച്ച്.എ സ്.ബി.സി ബാങ്ക് എന്നിവിടങ്ങളിൽ ജോലി ചെയ്തു. പഠനകാലത്ത് ഭരതനാട്യവും മോഹിനിയാട്ടവും അഭ്യസിച്ചെങ്കിലും ഞാൻ കണ്ടമ്പററി ഡാൻസിലാണ് ശ്രദ്ധ കേന്ദ്രീകരിച്ചത്. പക്ഷേ, ചെറുപ്പം മുതൽക്കേ സിനിമയിലെത്തുകയെന്നത് മനസ്സിലെ സ്വപ്നമാണ്.

2012 ൽ ബാംഗ്ലൂരിൽ നടന്ന മത്സരത്തിൽ മിസ് കേരളയായി ഞാൻ തെരഞ്ഞെടുക്കപ്പെട്ടതോടെ സിനിമയിലെത്താൻ കഴിയുമെന്ന ആത്മവിശ്വാസം എനിക്കുണ്ടായി. ബാംഗ്ലൂരിൽ ഒരു സിനിമയുടെ ഓഡിഷൻ വെറുതെ കാണാൻ പോയതാണ്. പ്രതീക്ഷയൊന്നും ഇല്ലായിരുന്നു. ഓഡിഷനിൽ തെരഞ്ഞെടുക്കപ്പെട്ട ഞാൻ അമ്പിളിയെന്ന ചിത്രത്തിൽ നായികയായി അഭിനയിച്ചു. സൗബിന്റെ നായികയായിരുന്നു. തുടക്കത്തിൽ ടെൻഷനുണ്ടായിരുന്നു. എന്നാൽ രണ്ടാഴ്ചത്തെ ആക്ടിംഗ് വർക്ക് ഷോപ്പിലൂടെ കഥാപാത്രവുമായി കൂടുതൽ ഇഴുകിച്ചേരാൻ കഴിഞ്ഞു.