സുരേഷ് ഗോപി തൃശൂർ അങ്ങെടുത്തു! സിനിമാലോകത്തിന് ആഹ്ലാദം, ആവേശം.

ഒരുപാട് നാൾ നീണ്ട കാത്തിരിപ്പിനൊടുവിൽ സുരേഷ് ഗോപി തൃശൂർ അങ്ങെടുത്തു.

- അനീഷ് മോഹനചന്ദ്രൻ

സൂപ്പർതാരത്തിന്റെ പാർട്ടി പ്രവർത്തകരും ആരാധകരുമെല്ലാം ആവേശത്തിമിർപ്പിലാണ്. ഏതാണ്ട് അതേ അവസ്ഥയിലൂടെ തന്നെയാണ് മലയാള സിനിമാലോകവും കടന്നുപോകുന്നത്. മലയാള സിനിമാ അഭിനേതാക്കളുടെ സംഘടനയായ അമ്മയുമായി ദീർഘനാൾ ഭിന്നിച്ചുനിന്നിരുന്ന സുരേഷ് ഗോപി അടുത്തിടെ അമ്മയിലേക്ക് മടങ്ങിയെത്തുകയും പിണക്കങ്ങളെല്ലാം മറന്ന് സഹകരിക്കുകയും ചെയ്തിരുന്നു. അതിന്റെ തുടർച്ചയായി ഗുരുവായൂരിൽ നടന്ന അദ്ദേഹത്തിന്റെ മകളുടെ കല്യാണത്തിന് സൂപ്പർ താരങ്ങളെല്ലാം ഒത്തൊരുമിക്കുകയും ചെയ്തു. അതിന്റെ തൊട്ടുപിന്നാലെയാണ് പാർലമെന്റ് തെരഞ്ഞെടുപ്പ് നടന്നതും അതിൽ തൃശൂർ മണ്ഡലത്തിൽ നിന്നും വെന്നിക്കൊടി പാറിച്ച് സുരേഷ് ഗോപി പാർലമെന്റിൽ എത്തി ച്ചേർന്നതും.