ഇൻഡോർ ചെടികളുടെ സ്വന്തം ഷോറൂം

ഇൻഡോർ ചെടികൾക്കു മാത്രമായുള്ള കടകളും സജീവമാകുന്നു

അകത്തളച്ചെടികൾ മാത്രമുള്ള ഷോപ്പുകൾ നമ്മുടെ നഗരങ്ങളിൽ ചെടിപ്രേമികൾ കണ്ടിട്ടുണ്ടാവും. പരമ്പരാഗത നഴ്സറികളുമായി വിദൂരച്ഛായപോലുമില്ല ഇവയ്ക്ക്. മനോഹരമായി ക്രമീകരിച്ച് ചെടികളും അതിലും സുന്ദരമായ ചട്ടികളും വർണവെളിച്ചവുമെല്ലാം ചേർന്ന് ജ്വല്ലറികളെ ഓർമിപ്പിക്കുന്ന ഇൻഡോർ പ്ലാന്റ്സ് ഷോപ്പുകൾ നവ്യമായ ഷോപ്പിങ് അനുഭവമാണ് മുന്നോട്ടു വയ്ക്കുന്നത്. ഇൻഡോർ ചെടി ഉപഭോക്താക്കളുടെ വാങ്ങൽശേഷിയും വിപണി വളർച്ചയും പ്രതിഫലിപ്പിക്കുന്നു നല്ല മുതൽമുടക്കുള്ള ഈ ഷോറൂമുകൾ. കൊല്ലം സുപ്രീം ജ്വല്ലറിയുടെ ഇൻഡോർ പ്ലാന്റ്സ് സംരംഭമായ സ്റ്റൈൽക്ലബ് മികച്ച ഉദാഹരണം.