പൂച്ചകൾക്കും വേണം തറവാടിത്തം

പാരമ്പര്യം നോക്കാൻ നായ്ക്കൾക്ക് കെസിഐ എന്നതുപോലെ പൂച്ചകൾക്ക് സിഎഫ്എ

നീളൻ രോമക്കാരായ പൂച്ചകളെ ആർക്കാണ് ഇഷ്ട മില്ലാത്തത്. വൃത്തിക്കാരായതിനാൽ പൂച്ചകളെ പരി പാലിക്കാനുമെളുപ്പം. നമ്മുടെ നാട്ടിൽ രോമക്കാരായ പേർഷ്യൻ പൂച്ചകളോടു പ്രിയമേറുകയാണ്. കേവലം ആയിരങ്ങൾ മുതൽ പതിനായിരങ്ങളും ലക്ഷങ്ങളും രൂപ വിലയുള്ള പേർഷ്യൻ പൂച്ചകൾ അരുമപ്രേമികളുടെ പക്കലുണ്ട്. എന്നാൽ, നായ്ക്കളുടെ കാര്യത്തിലുള്ളതുപോലെ വംശഗുണത്തിനും പാരമ്പര്യത്തിനുമൊന്നും വലിയ പ്രാധാന്യം പൂച്ചകളുടെ കാര്യത്തിൽ ഉണ്ടായിരുന്നില്ല.

സ്ഥിതി മാറുകയാണ്. വിലയും വിപണിയുമടക്കം പൂച്ചകളുടെ കാര്യത്തിലും ഇനി തറവാടിത്തം നിർണായകമാകും. ഇന്ത്യയിൽ നായ്ക്കൾക്ക് കെന്നൽ ക്ലബ് ഓഫ് ഇന്ത്യ (കെസിഐ) ആണ് വംശപാരമ്പര്യ സർട്ടിഫിക്കറ്റ് നൽകുന്നതെങ്കിൽ പൂച്ചകൾക്കു നൽകുന്നത് അമേരിക്ക ആസ്ഥാനമായുള്ള ക്യാറ്റ് ഫാൻഷ്യേഴ്സ് അസോസിയേഷൻ (സിഎഫ്എ).