ചിക്കൻപോക്സ്: ശരിയും തെറ്റും

ചിക്കൻപോക്സിനെപ്പറ്റി വളരെയധികം അശാസ്ത്രീയ, മിഥ്യാ ധാരണകൾ പ്രചാരത്തിലുണ്ട്

നേരിയ ചൊറിച്ചിലോടു കൂടെ ആരംഭിക്കുന്ന ചുവന്നു തിണർത്ത പാടുകളിൽ നിന്നും തൊലിപ്പുറത്ത് വെള്ളം നിറഞ്ഞിരിക്കുന്ന ചെറിയ കുമിളകൾ പോലുള്ള പൊങ്ങലുകളായി മാറുന്നതാണ് ചിക്കൻപോക്സിന്റെ പ്രധാന ലക്ഷണം. കാഴ്ചയിൽ മെഴുകു ഉരുക്കി ഒഴിച്ചാൽ ഉണ്ടാവുന്നത് പോലെ ഇരിക്കും. ത്വക്കിൽ കുരുക്കൾ ഉണ്ടാവുന്നതിനു മുൻപ് തന്നെ തലവേദന, പനി, ക്ഷീണം, വിശപ്പില്ലായ്മ തുടങ്ങിയവ ഉണ്ടാകാവും.

നെഞ്ചിലോ പുറകിലോ മുഖത്തോ ആരംഭിക്കുന്ന ഈ കുരുക്കൾ, ക്രമേണ ശരീരത്തിന്റെ മറ്റു ഭാഗങ്ങളിലും നിറയുന്നു. അസുഖത്തിന്റെ കഠിന്യമനുസരിച്ച് വായ, ഗുഹ്യഭാഗങ്ങൾ എന്നിവിടങ്ങളിൽ വരെ വൈറസ് കയ്യേറി കുരുക്കൾ വിതയ്ക്കുന്നു. ഈ ഘട്ടത്തിൽ ശരീരം മുഴുവൻ ചൊറിച്ചിലും ഉണ്ടാവും. ക്രമേണ കുരുക്കൾ പൊട്ടി വടുക്കളോ പൊറ്റകളോ ആയി മാറുന്നു. അഞ്ചു മുതൽ ഏഴു ദിവസം വരെ ശരീരത്തിൽ ഈ ലക്ഷണങ്ങൾ നിലനിൽക്കും.

വേരിസെല്ലാ സോസ്റ്റർ വൈറസ്  വൈറസാണ് ചിക്കൻ പോക്സിനു കാരണം. വളരെ പെട്ടെന്ന് ഒരാളിൽ നിന്നും മറ്റൊരാളിലേക്ക് പകരുന്ന ഈ പകർച്ചയുടെ പ്രധാന മാർഗ്ഗം വായു വഴിയാണ്. ചുമയ്ക്കുന്നതിലൂടെയും തുമ്മുന്നതിലൂടെയും വായുവിലേക്ക് വ്യാപിക്കുന്ന വൈറസ്, അതിഥിയെ തേടുന്നു. രോഗത്തിന്റെ ഇൻക്യുബേഷൻ കാലാവധി 10-21 ദിവസം വരെയാണ്, അതായത്. ഒരാളുടെ ശരീരത്തിൽ രോഗാണു കയറിയ ശേഷം രോഗലക്ഷണങ്ങൾ പ്രത്യക്ഷപ്പെടാൻ ഇത്രയും ദിവസങ്ങൾ എടുക്കാം.

രോഗം പകർത്തുന്നത്

ത്വക്കിൽ കുരുക്കൾ ഉണ്ടാവുന്നതിനു ഒന്നോ രണ്ടോ ദിവസം മുൻപേ തന്നെ രോഗം പകർത്തുന്നത് തുടങ്ങും. ഇത് കൂടാതെ ശരീരത്തിലുണ്ടാകുന്ന കുമിളകളിലെ വെള്ളം തട്ടുന്നത് വഴിയും അസുഖം പകരാം. കരുക്കൾ പ്രത്യക്ഷപ്പെട്ടു തുടങ്ങിയ ശേഷം 10 ദിവസത്തേക്ക് രോഗപ്പകർച്ചാ സാധ്യത തുടരും.

മൂർച്ഛിക്കുന്നതിന്റെ പ്രശ്നങ്ങൾ

ന്യുമോണിയ  തലച്ചോറിലെ അണുബാധ, അണുബാധ, ഞരമ്പ് പൊട്ടി അഥവാ അരച്ചൊറി എന്നിവയാണ് രോഗത്തിന്റെ സങ്കീർണ്ണതകൾ. മുതിർന്നവരെ അപേക്ഷിച്ച് കുട്ടികളിൽ ചിക്കൻപോക്സ് വഴിയുള്ള അപകട സാധ്യത കുറവാണ്. സാധാരണയായി ഒരു തവണ ചിക്കൻപോക്സ് വന്നാൽ വീണ്ടും വരാനുള്ള സാധ്യത വളരെ കുറവാണ്. വൈറസ് വഴി വീണ്ടും അക്രമിക്കപ്പെട്ടാലും ലക്ഷണങ്ങൾ ഒന്നും കാണിക്കാതെ ശ്രദ്ധിക്കപ്പെടാതെ പോകാറാണ് പതിവ്.

ചികിത്സ എപ്പോൾ?