പിത്തസഞ്ചിയിലെ കല്ലുകൾ പ്രതിരോധവും ചികിത്സയും

40 വയസ്സിനു മുകളിലുള്ള സ്ത്രീകളിലാണ് പിത്താശയകല്ല് വരാൻ സാധ്യത കൂടുതൽ

- ഡോ. കോശി മാത്യു പണിക്കർ കൺസൾട്ടന്റ് ജനറൽ ആൻഡ് ലാപ്രോസ്കോപിക് സർജറി എസ്.യു.ടി. ആശുപത്രി പട്ടം, തിരുവനന്തപുരം

എന്താണ് പിത്താശയ കല്ലുകൾ

പിത്തസഞ്ചിയിൽ ദഹന ദ്രാവകം (പിത്തരസം) കട്ടിയാകുന്നതു മൂലമാണ് പിത്താശയ കല്ലുകൾ രൂപപ്പെടുന്നത്. ഇത് സാധാരണയായി ഇന്ത്യൻ ജനസംഖ്യയുടെ 10-20% ആളുകളെ ബാധിക്കുന്നു.

കാരണങ്ങൾ എന്തൊക്കെ?

 പിത്തസഞ്ചി പൂർണ്ണമായി ഒഴിഞ്ഞില്ലെങ്കിൽ, പിത്തസഞ്ചിയിലെ പിത്തരസത്തിൽ എൻസൈമുകൾക്ക് അലിയിക്കാനാകാത്ത തരത്തിൽ അധിക കൊളസ്ട്രോൾ ഉണ്ടെങ്കിൽ, കരൾവീക്കം പോലെ പിത്തരസത്തിൽ വളരെയധികം ബിലിറൂബിൻ ഉണ്ടെങ്കിൽ, ഇവ കല്ല് രൂപപ്പെടുന്നതിന് കാരണമാകും.

അപകട ഘടകങ്ങൾ എന്തെല്ലാം?

40 വയസ്സിനു മുകളിലുള്ള സ്ത്രീകളിലാണ് പിത്തസഞ്ചിയിലെ കല്ലുകൾ കൂടുതലായി കാണപ്പെടുന്നത്. അമിതവണ്ണം, വ്യായാമക്കുറവ്, കൊഴുപ്പ് അടങ്ങിയ ഭക്ഷണക്രമം, നാരുകളുടെ അപര്യാപ്തത, പ്രമേഹം, രോഗ പാരമ്പര്യം എന്നിവ ചില അപകട ഘടകങ്ങളാണ്.