மன அழுத்தத்தில் இருந்து பெண்களை மீட்போம்!

உடல் ஆரோக்கியம் பொதுவாக மூன்று கூறுகளை உள்ளடக்கியது

உடல்நலம், மனநலம் மற்றும் சமூக நலம் மூன்றும் சேர்ந்ததுதான் முழுமையான உடல் ஆரோக்கியம்.

அக்கறைகொள்ளும் உடல்நலனைப் பற்றி அளவுக்கு, மனநலனைப் பற்றிப் பலரும் அவ்வளவாகக் கண்டுகொள்வதில்லை. உடல்நலனைப் பேணுவது எந்த அளவு முக்கியமோ அதே அளவு மனநலனைக் காப்பதும் அவசியம். மூன்றாவது நலனான சமூக நலனில், அதாவது மற்றவர்களுடன், சமூகத்துடன் எந்தப் பிரச்சனையும் இல்லாமல் இணைந்து இருப்பதில் மனநலனின் பங்கு முதன்மையானது.

மனநலம் என்பது அனைவருக்கும் பொதுவானது. அதைப் பெண்களுக்கு மட்டும் எனப் பிரித்துப் பார்க்க முடியாது. என்றாலும், மாதவிடாய் முதல் மெனோபாஸ் வரை ஆர்மோன்களால் ஏற்படும் மனநிலை மாற்றங்களாலும், ஆணாதிக்கக் குடும்ப அமைப்புகள் அவர்களுக்குத் தரும் கட்டுப்பாடுகளாலும், பாதுகாப்பு மலிந்து கிடக்கும் சமூகத்தால் அவர்கள் சந்திக்கும் பிரச்சனைகளாலும், ஆண்களைவிட பெண்கள் மன அழுத்தத்துக்கு ஆளாகும் சூழல்கள் அதிகமாக உள்ளன. பெண்களுக்கு ஏற்படும் மன அழுத்தம் பற்றியும், சிகிச்சை முதல் உணவு வரை அதற்கான தீர்வுகள் பற்றியும் பேசுகிறார்கள் துறை சார்ந்த வல்லுநர்கள்.