‘ഫോൺ മണി കെണികൾ പെരുകുന്നു

 ഇടപാടുകൾ ഡിജിറ്റലായതോടെ പണം തട്ടിക്കാനുള്ള ഉപകരണം കൂടിയായി മാറിയിരിക്കുന്നു സ്മാർട് ഫോണുകൾ.

- സി.എസ്. രഞ്ജിത്ത്

ആരുടെ ഫോണിലും എപ്പോൾ വേണമെങ്കിലും ഫോൺ കെണി പ്രത്യക്ഷപ്പെടാം. അറിയാതെ ക്ലിക് ചെയ്താൽ പോലും പണം നഷ്ടപ്പെടും. എന്താണ് ഈ ഫോൺ കെണി? സ്മാർട് ഫോണുകളിൽ നേരിട്ടു വിളിച്ചും സോഷ്യൽ മീഡിയ അക്കൗണ്ടിൽ കപടസന്ദേശവും പോസ്റ്റുകളും ഇട്ടും ലിങ്കുകൾ അയച്ചുതന്നും പണം തട്ടുന്ന രീതിയാണിത്. ഈ പണം തട്ടൽ കെണികൾ എളുപ്പത്തിൽ പണം സമ്പാദിക്കാനുള്ള മാർഗമായി ഉപയോഗിക്കുന്നവരുടെ എണ്ണം കൂടി വരുകയാണ്. അതുകൊണ്ടുതന്നെ ജാഗ്രത പുലർത്തിയില്ലെങ്കിൽ കെണി മനസ്സിലാക്കാനാകില്ല, പണം നഷ്ടപ്പെടുകയും ചെയ്യും. സമാന സ്വഭാവം ഫോൺമണി'കെണികൾക്കെല്ലാം ചില പൊതു സ്വഭാവങ്ങളുണ്ട്. സഹായ വാഗ്ദാനം നിരസിക്കാൻ പ്രയാസമായ ജോലി വാഗ്ദാനങ്ങൾ, പാൻകാർഡ്, ആധാർ കാർഡ്, ഡെബിറ്റ് കാർഡുകൾ തുടങ്ങിയ വിഷയങ്ങളിൽ സഹായം, വൈദ്യുതി, കുടിവെള്ളം എന്നിങ്ങനെ അവശ്യ സേവനങ്ങളുമായി ബന്ധപ്പെട്ട പ്രശ്നങ്ങൾ എന്നിങ്ങനെ ആൾമാറാട്ടക്കാരൻ ആദ്യ ഘട്ടത്തിൽ ഫോണിലൂടെ സമീപിക്കുമ്പോൾ തട്ടിപ്പാണെന്ന സംശയം മിക്കവർക്കും ഉണ്ടാകില്ല.