നിക്ഷേപം ഇനി വൈകേണ്ട, വായ്പയ്ക്ക് അൽപം കാത്തിരിക്കാം

പലിശ വർധനയുടെ ഘട്ടം അവസാനിക്കുന്നതിനാൽ നിക്ഷേപകരും വായ്പ എടുത്തവരും ശ്രദ്ധിക്കണം ഇക്കാര്യങ്ങൾ.

- ബാലകൃഷ്ണൻ തൃക്കങ്ങോട്

ബാങ്ക് നിക്ഷേപ നിരക്കുകൾ ഉയർന്നു നിൽക്കുന്നത് നിക്ഷേപകരെ സന്തോഷിപ്പി ക്കുന്നുണ്ടെങ്കിലും വായ്പ എടുത്തവർ ആശങ്കയിലാണ്. എന്നാൽ, രണ്ടു കൂട്ടരുടെയും ചോദ്യം ഒന്നു തന്നെ പലിശ ഇനി എങ്ങോട്ട്?

വിലക്കയറ്റം കുറയുന്നു

രാജ്യത്തെ വിലക്കയറ്റത്തോത് ഒന്നര വർഷത്തെ കുറഞ്ഞ നിരക്കിലെത്തി. ഉപഭോക്തൃ പണപ്പെരുപ്പം 2023 ലെ ആദ്യ നാലു മാസങ്ങളിലും തുടർച്ചയായി കുറഞ്ഞു. രണ്ടു മാസമായി നിരക്ക് ആർബിഐയുടെ സഹനപരിധിയായ ആറു ശതമാനത്തിനും താഴെയാണ്. ഇത് നാലു ശതമാനമാക്കാനാണു ശ്രമം. എണ്ണവില വർധിക്കാത്തതും ഭക്ഷ്യവസ്തുക്കളുടെ വില കുറയുന്നതുമാണു നിരക്കു കുറയാൻ കാരണം. മൊത്ത വിലസൂചികയിലെ നാണ്യപ്പെരുപ്പമാകട്ടെ ഏപ്രിലിൽ മൈനസ് 0.92 ൽ എത്തി. 34 മാസത്തെ ഏറ്റവും കുറഞ്ഞ നിരക്കാണിത്.

പലിശ കുറച്ചേക്കും