ഒത്തൊരുമിച്ച് കളിച്ചോണം

ഗൃഹാതുരതക്കുമപ്പുറം ഓണത്തെ നമുക്ക് പ്രിയപ്പെട്ടതാക്കിയതിൽ ചില കളികൾക്കും പങ്കുണ്ട്. പണ്ടൊക്കെ ഓണത്തിന്റെ പ്രധാന വൈബും രസകരമായ കളികൾ തന്നെ. ഇത്തവണ ന്യൂജൻ ഗെയിമുകൾക്കൊപ്പം നാടൻ ടച്ചുള്ള പഴയ കളികൾക്കൂടി ഉൾപ്പെടുത്തിയാലോ....

- സന്ദീപ് ഗോവിന്ദ്

കോവിഡും അടച്ചിരിപ്പും കഴിഞ്ഞൊരു ഓണ ക്കാലമാണ് വരുന്നത്. ഇത്തവണ മഹാമാരി വെല്ലുവിളിയല്ലെങ്കിലും പേ മാരിയാണ് വില്ലൻ. പൂക്കളം തീർക്കലും ഓണക്കളികളും ആഘോഷവുമെല്ലാം ഇത്തവണയും വീടകങ്ങളിലാക്കുന്നതാണ് സുരക്ഷിതം.

പണ്ട് ഓണനാളുകളിൽ ഉണ്ടായിരുന്ന നാടൻ കളികൾ കൂടാതെ വീട്ടുകാർക്കും സുഹൃത്തുക്കൾക്കുമൊപ്പം കളിക്കാനാവുന്ന ഓൺലൈൻ ഗെയിമുകളും നിരവധിയാണ്. നമ്മുടെ നാടൻ കളികളും ഓൺലൈൻ ഗെയി മുകളും പരിചയപ്പെടാം. ഇത്തവണ ഓണം ഗെയിംഫുൾ ആക്കാം.

സൂം ഗെയിമുകൾ

ഓണത്തിന് കുടുംബത്തോടൊപ്പം ഒത്തുകൂടാനാവാത്തവർക്ക് സൂം പ്ലാറ്റ് ഫോമിൽ കളിക്കാവുന്ന ലളിതമായ ഗെയിമാണിത്. അഞ്ച് ഇമോജികൾ ആദ്യം അയക്കുന്നവർ വിജയികളാവുന്ന ഇമോജി ലൈനപ്, ഒരു അക്ഷരം പറഞ്ഞാൽ അതിൽനിന്ന് പരമാവധി വാക്കുകൾ നിർമിക്കുന്ന വേർഡ് ഗെയിം, ഒരാൾ അഭിനയിച്ചു കാണിക്കുന്ന രംഗം ആദ്യം ചാറ്റ്ബോക്സിൽ ടൈപ് ചെയ്ത് കാണിക്കുന്നയാൾ വിജയിക്കുന്ന ഗെയിം, ഓൺലൈനിൽ വളരെ വലുപ്പത്തിൽ സൂം ചെയ്തു വെച്ച ഒരു ചിത്രം സൂം ഔട്ട് ചെയ്യുമ്പോൾ ആ ചിത്രമേതാണെന്ന് ആദ്യം പറയുന്നയാൾ വിജയിക്കുന്ന സൂം ഔട്ട്ഗെയിം തുടങ്ങിയവ സൂം പ്ലാറ്റ്ഫോമിൽ കളിക്കാം.

ലുഡോ

എക്കാലത്തും മലയാളികളുടെ ഇഷ്ട ഗെയിമാണ് ലുഡോ. ഇപ്പോൾ ഓൺ ലൈൻ ആപ്പുപയോഗിച്ച് ദൂരെയുള്ള സുഹൃത്തുക്കൾക്കോ വീട്ടിലെ അംഗങ്ങൾക്കോ ഒപ്പം കളിക്കാം. ലുഡോ ബോർഡോ കരുക്കളോ ആവശ്യമില്ലാതെ ഫോണിൽ കളിക്കാനാവും. ഇതിനായി ലുഡോ കിങ് പോലെയുള്ള ആപ്പുകൾ ഉപയോഗിക്കാം.

ട്രഷർ ഹണ്ട്