ചെലവേറെയില്ല നന്മ പകരാൻ

ഒരു കാഴ്ച മതിയാകും ചില പ്പോൾ ജീവിത കാലം മുഴുവൻ ഓർക്കുന്ന ആഹ്ലാദമായിട്ട്. അല്ലെങ്കിലൊരു നല്ല വാക്ക്. അല്ലെങ്കിലൊരു നോട്ടം.

ഒരു പുഞ്ചിരി, കൊടുക്കുന്നവനും വാങ്ങുന്നവനും സന്തോഷം പകരുന്ന ദാനമാണത്. ചെലവില്ലാത്ത ലാഭക്കച്ചവടം.

ആന്ത്വാൻ ദസന്ദ് എപ്പൂപറി ഒരു സ്പാനിഷ് പൈലറ്റായിരുന്നു. നാത്സികൾ പിടിച്ചു തടവിലിട്ട അദ്ദേഹം രക്ഷപ്പെട്ട കഥ പറയുന്നുണ്ട് ആ പുഞ്ചിരി എന്ന കുറിപ്പിൽ.

ജയിലിൽ തള്ളപ്പെട്ട അന്ന്, കൊല്ലപ്പെടുമെന്ന ഉറപ്പ് അയാളെ ചകിതനാക്കി. വിറക്കുന്ന കൈകൾ പോക്കറ്റിലെ സിഗരറ്റിൽ തടഞ്ഞു. പാരവശ്യത്തോടെ ജയിലറോട് തീപ്പെട്ടി ചോദിച്ചു.

ജയിലർ തീപ്പെട്ടി കൊടുക്കുമ്പോൾ അവരുടെ കണ്ണുകൾ ഉടക്കി. ആ നിമിഷത്തിൽ ആന്ത്വാൻ അറിയാതെ പുഞ്ചിരിച്ചു.

നാത്സി ജയിലിന്റെ ഭീകരതയിൽ ശ്വാസംമുട്ടനുഭവിച്ചിരുന്ന ജയിലറുടെ ആത്മാവിൽ പൂത്തിരി കത്തിയപോലെ.

ജയിലർ അവിടെത്തന്നെ നിന്നു; രാത്രിയായപ്പോൾ തടവറ തുറന്ന് ആന്ത്വാനെ രഹസ്യമായി പട്ടണാതിർത്തിയിൽ കൊണ്ടുപോയി വിട്ടു. ആ പുഞ്ചിരി ജീവൻ രക്ഷിച്ചു.

ചെലവില്ലാത്ത ദാനമാണ് പുഞ്ചിരി “പുണ്യദാനം എന്ന് മുഹമ്മദ് നബി.