കരിയറും ജീവിതവും ഒരേ നൂലിൽ

സിനിമയിലും സീരിയലിലുമായി കരിയർ പടുത്തുയർത്തി സൗപർണികയും സുഭാഷും. ഒരേ പ്രഫഷൻ പിന്തുടരുന്നത് പരസ്പരം മനസ്സിലാക്കാൻ ഏറെ സഹായകരമെന്ന് ഇവർ...

- അങ്കിത കുറുപ്പ്

ബുള്ളറ്റിൽ ഒരു ഫോട്ടോ ഷൂട്ടിന്റെ ഒരുക്കത്തിലായിരുന്നു സൗപർണികയും സുഭാഷും. നിർത്താതെ ചിരിയും വർത്തമാനവും തന്നെ, മലയാള സിനിമ, സീരിയൽ രംഗത്തെ ഈ താരദമ്പതികൾ.  മനു കൃഷ്ണ സംവിധാനം ചെയ്ത ഗില ഐലൻഡ് ആണ് സുഭാഷിന്റെ പുതിയ ചിത്രം. നവംബർ 25ന് പ്രദർശനത്തിനെത്തിയ ചിത്രം തിയറ്റർ വിട്ടിട്ട് അധികമായിട്ടില്ല. സ്കൂൾ കാലഘട്ടത്തിൽ "അവൻ ചാണ്ടിയുടെ മകൻ, 'തന്മാത്ര' സിനിമകളിലൂടെ വെള്ളിത്തിരയിൽ എത്തിയതാണ് സൗപർണിക. 17 വർഷത്തിനിടെ 85 സീരിയലുകളിലും അഭിനയിച്ചു.

Drive with smile എന്ന സന്ദേശവുമായി നടന്ന മാധ്യമം ‘കുടുംബം' കവർ ഷൂട്ടിന്റെ ഇടവേളയിൽ ഇവരുടെ വിശേഷം പറച്ചിൽ.

രണ്ടുപേരും അഭിനയ മേഖലയിൽ ജീവിതം എങ്ങനെ?

സുഭാഷ്: രണ്ടുപേരും ഒരേ ഫീൽഡിലാകുന്നത് വളരെ നല്ലതാണ്. കാരണം ജോലിയെക്കുറിച്ച് പരസ്പരം മനസ്സിലാക്കാൻ സാധിക്കും. ചിലപ്പോൾ പറഞ്ഞ സമയത്ത് ഷൂട്ടിങ് തീരില്ല. രാത്രി വൈകിയും ഉണ്ടാകും. ഇത് നമുക്ക് മനസ്സിലാക്കാൻ പറ്റും. എന്നാൽ, വേറൊരു പ്രഫഷനിലുള്ള ആളാണെങ്കിൽ മനസ്സിലാക്കണമെന്നില്ല.

സൗപർണിക. ഒരേ മേഖലയിലായാൽ ജോലിയെക്കുറിച്ച് കൃത്യമായ ബോധ്യമുണ്ടാകും. നമ്മളെ പിന്തുണച്ച് എപ്പോഴും ഒപ്പമുണ്ടാകും. ഞങ്ങൾക്ക് ഇതുവരെ ഒരു പ്രശ്നവും ഉണ്ടായിട്ടില്ല. മറിച്ച് ഗുണം മാത്രമേയുള്ളൂ.

പരസ്പര പിന്തുണ? 

വിവാഹശേഷം അഭിനയം തുടരുന്നതിന്റെ പൂർണ ക്രെഡിറ്റും ഏട്ടനാണ്. കഥാപാത്രങ്ങളുടെ തിരഞ്ഞെടുപ്പിൽ സഹായിക്കാറുണ്ട്. നമുക്ക് അനുയോജ്യമായതും അഭിനയപ്രാധാന്യവുമുള്ള കഥാപാത്രങ്ങളെ തിരഞ്ഞെടുക്കാൻ പറയാറുണ്ട്. അതുപോലെ ഫിറ്റ്നസിന്റെ കാര്യത്തിലും മോട്ടിവേറ്റ് ചെയ്യാറുണ്ട്.

സുഭാഷ് അഭിനയത്തിൽ മാത്രമല്ല ഏതൊരു കാര്യത്തിലും പൂർണ പിന്തുണയുമായി സൗപർണിക കൂടെയുണ്ടാവാറുണ്ട്. നല്ല സപ്പോർട്ടാണ്. ഇതുവരെ സൗപർണിക നോ പറഞ്ഞ ഒരു സാഹചര്യവും ഇല്ല. പരസ്പരം മനസ്സിലാക്കാനും ഉൾക്കൊള്ളാനും ഞങ്ങൾക്ക് കഴിയാറുണ്ട്.

വിവാഹം എങ്ങനെയായിരുന്നു?