ആരാണ് ശരിക്കും സ്വതന്ത്രർ

ഓരോ പിടി മണ്ണും പൊന്നിൻ തരികളും ചില്ലി നാണയവുമെല്ലാം വിവേകപൂർവം വിനിയോഗിക്കപ്പെടുമ്പോൾ മാത്രമാണ് അവ ഉപയോഗപ്രദവും മൂല്യവത്തുമാവുന്നത്

ഈ ഭൂമിയിലെ ജീവിതത്തെ ഈ വിപ്ലവകരമാംവിധം മാറ്റിമറിച്ചവയാണ് ലോഹങ്ങളുടെ കണ്ടുപിടിത്തം. മനുഷ്യരുടെ ജീവനെ ആയാസരഹിതമാക്കുന്ന ഒട്ടനവധി ഉപകരണങ്ങളും വാഹനങ്ങളുമെല്ലാം പിൽക്കാലത്ത് ലോഹങ്ങളാൽ നിർമിക്കപ്പെട്ടു. അതേ അത്ഭുത വസ്തുവിനാൽ തന്നെയാണ് മനുഷ്യകുലത്തെ മുച്ചൂടും ഇല്ലാതാക്കുന്ന ആയുധങ്ങളും അപായവാഹനങ്ങളും മെനഞ്ഞെടുക്കുന്നത് എന്നതാണ് സങ്കടകരമായ വശം. സമ്പത്തിനുമുണ്ട് ഇതു പോലെ പല വശങ്ങൾ, ലോക്കറുകൾ നിറയെ പണവും ആഭരണങ്ങളും കുന്നുകൂട്ടി വെക്കുന്നതുകൊണ്ട്, കണ്ണെത്താ ദൂരത്തോളം മണ്ണും പറമ്പും സ്വന്തമാക്കിയതുകൊണ്ട് ആരും സമ്പന്നർ ആവുന്നില്ല. ഓരോ പിടി മണ്ണും പൊന്നിൻ തരികളും ചില്ലി നാണയവുമെല്ലാം വിവേകപൂർവം വിനിയോഗിക്കപ്പെടുമ്പോൾ മാത്രമാണ് അവ ഉപയോഗപ്രദവും മൂല്യവത്തുമാവുന്നത്.