મધ્યપ્રદેશ: સલામત, ટકાઉ અને જવાબદાર પ્રવાસનનો કરો અનુભવ

મધ્યપ્રદેશ માત્ર તેના પ્રવાસીઓ પ્રત્યે જ નહીં પરંતુ તે લોકો પ્રત્યે પણ જવાબદારી માને છે જેમણે રાજ્યના પ્રાચીન સાંસ્કૃતિક વારસાને બચાવવા અને જાળવવામાં યોગદાન આપ્યું છે.

મધ્યપ્રદેશ ગાઢ જંગલો, ઐતિહાસિક ઈમારતો અને પ્રાચીન સંસ્કૃતિ જેવી અસંખ્ય રીતે એક રત્ન સમાન છે. ભારતના હૃદય તરીકે જાણીતું, આ રાજ્ય ત્રણ યુનેસ્કો હેરિટેજ સાઈટનું સ્થળ છે અને તેને ગર્વથી ટાઈગર સ્ટેટ, લેપર્ડ સ્ટેટ, ઘરિયાલ સ્ટેટ કહેવામાં આવે છે. તેના આ વારસા અને સંસ્કૃતિને બચાવવા માટે રાજ્ય રિસ્પોન્સિબલ ટૂરિઝમ હેઠળ એક અભિયાન પણ શરૂ કરી ચુક્યું છે. મધ્યપ્રદેશ પ્રવાસન બોર્ડ રિસ્પોન્સિબલ ટૂરિઝમ હેઠળ સંતુલિત અને ટકાઉ પ્રવાસનને પ્રોત્સાહન આપવા માટે સમર્પિતપણે કાર્ય કરી રહ્યું છે. તેનો ઉદ્દેશ પ્રવાસન ક્ષેત્ર અને સ્થાનિક સમુદાયનો સામાજિક-આર્થિક વિકાસ કરવાનો છે અને પ્રવાસીઓને સંપૂર્ણ પ્રવાસન અનુભવ પ્રદાન કરવાનો છે. આ પ્રોજેક્ટ હેઠળ મધ્યપ્રદેશ સરકાર દ્વારા સમુદાય વિકાસ, આર્થિક વિકાસ, સાંસ્કૃતિક સંરક્ષણ, પર્યાવરણીય સંરક્ષણ, કળા અને હસ્તકલાને પ્રોત્સાહન, કૌશલ્ય પ્રશિક્ષણ દ્વારા માનવ મૂડીનું સશક્તિકરણ, આરોગ્ય અને સ્વચ્છતા વિકાસ માટે નક્કર પગલાં લેવામાં આવી રહ્યા છે. મધ્યપ્રદેશ પ્રવાસન બોર્ડે મધ્યપ્રદેશમાં રિસ્પોન્સિબલ ટૂરિઝમને પ્રોત્સાહન આપવા માટે કેરળ સરકાર સાથે એમઓયુ પર હસ્તાક્ષર કર્યા છે.

પ્રોજેક્ટ હેઠળ અમલમાં મૂકાયેલ પ્રોજેક્ટ્સ:

> ગ્રામીણ પ્રવાસન

> મહિલાઓ માટે સુરક્ષિત પ્રવાસન સ્થળો

> સોલિડ વેસ્ટ મેનેજમેન્ટ - ક્લીન ડેસ્ટિનેશન