પર્યાવરણ દિન સ્પેશિયલ

પર્યાવરણ પ્રત્યેની સંવેદનહીનતાથી શરૂ થયેલું ચક્ર અપરિગ્રહ થકી પૂરું થવું જરૂરી છે

- હેતલ ભટ્ટ

પર્યાવરણને લઈને સમસ્યા એ છે કે આજે માનવીને એ વાતનો ખ્યાલ નથી આવી રહ્યો કે ઉપયોગની વસ્તુઓનું પ્રબંધન કેવી રીતે કરવું. એક બહેતર જીવન જીવવા માટે કઈ વસ્તુઓની, કેટલા પ્રમાણમાં, કેવા પ્રકારે અને ક્યારે જરૂર છે કે પડશે અને માનવી જે રીતે વસ્તુઓ ઉપલબ્ધ કરી રહ્યા છે કે મેળવી રહ્યા છે એ રીતથી અન્ય વ્યક્તિઓને કેટલો ફાયદો થશે કે નુકસાન થશે તેનો ક્યાસ તેઓ આંકી નથી શક્યા. પરિણામ આપણી નજર સમક્ષ છે. આપણે સૌ તેનો અનુભવ કરી રહ્યા છે. પ્રાકૃતિક સંસાધનોનું નિકંદન અને ૫ જૂન એટલે કે વિશ્વ પર્યાવરણ દિવસને લઈને પર્યાવરણ પ્રત્યેની સંવેદનહીનતા અને બેદરકારીની ભાવનાનું રટણ.