વિઝા વિમર્શ,

ઇબી-૫ સ્ટેપ બાય સ્ટેપ

-  ડો.સુધીર શાહ

ગ્રીનકાર્ડ મેળવવાનો એક નવો રસ્તો વર્ષ ૧૯૯૨થી અમેરિકાની સરકારે દાખલ કર્યો છે. એ છે, ‘ઍમ્પ્લૉયમૅન્ટ બેઝડ ફિફ્થ પ્રેફરન્સ કૅટેગરી પાઇલોટ પ્રોગ્રામ' જેને લોકો ‘રીજનલ સેન્ટર પ્રોગ્રામ' પણ કહે છે. આ પ્રોગ્રામ હેઠળ આજે અમેરિકાની સરકારે માન્ય કરેલ રીજનલ સેન્ટરમાં રોકાણ કરતા રોકાણકારને અને એના ફૅમિલીને ગ્રીનકાર્ડ પ્રાપ્ત થઈ શકે છે. જો રીજનલ સેન્ટર શહેરમાં એમનો નવો બિઝનેસ શરૂ કરવાના હોય તો એમાં ૧૦,૫૦,૦૦૦ ડૉલરનું રોકાણ કરવાનું રહે છે. જો તેઓ પછાત પ્રદેશમાં યા ટાર્ગેટ ઍમ્પ્લૉયમૅન્ટ એરિયામાં એમનો નવો બિઝનેસ શરૂ કરવાના હોય તો રોકાણની રકમ ૮,૦૦,૦૦૦ ડૉલર છે. આ ઉપરાંત રોકાણકારે ગ્રીનકાર્ડના પિટિશન માટે ફાઇલિંગ ફી આપવાની રહે છે.

તેઓ જે અમેરિકન એટર્નીઓને રોકે છે, એમની ફી અને રીજનલ સેન્ટરની ૮૦,૦૦૦ ડૉલરની ઍડમિનિસ્ટ્રેટિવ ફી આપવાની રહે છે. રીજનલ સેન્ટરનું ‘ડ્યુડિલિજન્સ’કરાવવા માટે ભારતીય એડ્વોકેટોને દસ-વીસ લાખ રૂપિયાની ફી આપવાની રહે છે.

રોકાણની ૨કમ જોખમમાં હોય છે. એ પાછી મળશે જ એવી કોઈ ગૅરંટી રીજનલ સેન્ટર આપી નથી શકતી. આ કારણસર પૂરતી ચકાસણી કર્યા બાદ જ રીજનલ સેન્ટરની પસંદગી કરવાની રહે છે. ફી પેટે જે રકમ આપવામાં આવે છે, એ તો પાછી આપવામાં આવતી જ નથી.

રીજનલ સેન્ટરમાં રોકાણ કરીને ઇબી-૫ પાઇલોટ પ્રોગ્રામ હેઠળ ગ્રીનકાર્ડ મેળવવા માટે નીચે મુજબનાં પગલાં લેવાની જરૂરિયાત રહે છે.