போதைக் காளான் வழக்கு: நீதிமன்ற உத்தரவைப் பின்பற்றாதது ஏன்? - உயர்நீதிமன்றம் கேள்வி

மதுரை, நவ. 19: கொடைக்கானலில் போதைக் காளான் கடத்திய வழக்கில், நீதிமன்ற உத்தரவை முறையாகப் பின்பற்றாதது ஏன் என சென்னை உயர்நீதிமன்ற மதுரை அமர்வு செவ்வாய்க்கிழமை கேள்வி எழுப்பியது.

திண்டுக்கல் மாவட்டம், கொடைக்கானல் பாம்பார்புரத்தைச் சேர்ந்த மணி சென்னை உயர்நீதிமன்ற மதுரை அமர்வில் தாக்கல் செய்த மனு: கொடைக்கானலில் கடந்த 17.8.2024 அன்று காரில் 100 கிராம் போதைக் காளான் (மேஜிக் காளான்) கடத்தியதாக போலீஸார், என்னைக் கைது செய்து சிறையில் அடைத்தனர். எனது காரில் போதைக் காளான் இருந்தது தொடர்பாக தடய அறிவியல் சோதனை செய்யவில்லை. போலீஸார் என் மீது பொய்க் குற்றச்சாட்டு சுமத்தி சிறையில் அடைத்ததால், கடும் மன உளைச்சல் ஏற்பட்டது. எனவே, இந்த வழக்கில் எனக்கு பிணை வழங்கி உத்தரவிட வேண்டும் என அவர் கோரியிருந்தார்.