உயிர் காக்கும் துறையா, உயிரைப் பறிக்கும் துறையா?

மக்கள் நல்வாழ்வுத் துறை உயிர் காக்கும் துறையாகச் செயல்படுகிறதா அல்லது உயிரைப் பறிக்கும் துறையாகச் செயல்படுகிறதா என்று அதிமுக பொதுச் செயலர் எடப்பாடி பழனிசாமி கேள்வி எழுப்பியுள்ளார்.

இது தொடர்பாக அவர் புதன்கிழமை வெளியிட்ட அறிக்கை:
திமுக ஆட்சியில் மக்கள் நல்வாழ்வுத் துறை மக்களின் உயிர் காக்கும் துறையா அல்லது மக்களின் உயிரைப் பறிக்கும் துறையா என்ற சந்தேகம் மக்களின் மனதில் எழுந்துள்ளது.

அரசு மருத்துவமனைகளுக்குச் செல்லும் ஏழை, எளிய மற்றும் நடுத்தர மக்களுக்கு திமுக ஆட்சியில் நடைபெறும் கொடுமைகள் கணக்கிலடங்காதவையாக உள்ளன.

சிகிச்சை அவலம்
வியாசர்பாடியைச் சேர்ந்த கால்பந்து வீராங்கனைக்கு பெரியார் நகர் மருத்துவமனையில் தவறான சிகிச்சை அளித்ததால், அவர் காலை இழந்ததோடு, உயிரும் பறிபோனது.