மழைக்குப் பிறகு பயிர்ச் சேதங்கள் கணக்கெடுப்பு

நீரில் மூழ்கி பயிர்களுக்கு ஏற்பட்ட சேதங்கள் குறித்த கணக்கெடுப்பு மழைக்குப் பிறகு தொடங்கும் என்று வேளாண் துறை அமைச்சர் எம். ஆர்.கே.பன்னீர்செல்வம் அறிவித்தார்.

இதுகுறித்து அவர் வியாழக்கிழமை வெளியிட்ட செய்தி: டெல்டா மாவட்டங்களில் குறைந்தபட்சமாக கடலூரிலும், அதிகபட்சமாக நாகப்பட்டினத்திலும் மழை பதிவாகியுள்ளது. இதனால், சுமார் 31,853 ஏக்கர் பரப்பில் சம்பா நெல் சாகுபடி செய்யப்பட்ட வயல்களில் நீர் சூழ்ந்துள்ளது.

நாகப்பட்டினம் மாவட்டத்தில் 18,972 ஏக்கரிலும், மயிலாடுதுறை மாவட்டத்தில் 8,151 ஏக்கரிலும், திருவாரூர் மாவட்டத்தில் 2,391 ஏக்கர் பரப்பிலும், தஞ்சாவூர் மாவட்டத்தில் 2,339 ஏக்கர் பரப்பிலும் நீர் சூழ்ந்துள்ளது.