வலுவிழந்த ஃபென்ஜால் புயல்: இன்று அரபிக் கடலை அடையும்

சென்னை, டிச.2: தமிழகத்தை உலுக்கிவிட்டு வலுவிழந்த ஃபென்ஜால் புயல், காற்றழுத்தத்தாழ்வு பகுதியாக நகர்ந்து கர்நாடகம் மற்றும் கேரளத்துக்கு இடைப்பட்ட அரபிக்கடலை செவ்வாய்க்கிழமை அடையும் என எதிர்பார்க்கப்படுகிறது.

இது மேற்கு நோக்கி நகரும் போது, கோவை, திருப்பூர், நீலகிரி உள்ளிட்ட உள் மாவட்டங்களில் கனமழை பெய்ய வாய்ப்புள்ளதால், அந்த மாவட்டங்களுக்கு மஞ்சள் எச்சரிக்கை விடுக்கப்பட்டுள்ளது என்று வானிலை ஆய்வு மையம் தெரிவித்தது.

வடதமிழகம் மற்றும் புதுச்சேரியில் நிலவிய ஃபென்ஜால் புயல் ஞாயிற்றுக்கிழமை காற்றழுத்தத்தாழ்வு மண்டலமாக வலுவிழந்த நிலையில், திங்கள்கிழமை ஆழ்ந்த காற்றழுத்த தாழ்வு பகுதியாக மேலும் வலுவிழந்தது. இது, மேலும் மேற்கு நோக்கி நகர்ந்து கிருஷ்ணகிரி, தருமபுரி, கர்நாடகம் வழியாக கேரளம் மற்றும் கர்நாடக கடலோர பகுதிகளுக்கு இடையே உள்ள அரபிக்கடலை அடையும்.