40 அரசு மருத்துவமனைகளில் கட்டணப் படுக்கை வசதி - அமைச்சர் மா.சுப்பிரமணியன்

தமிழகத்தில் 40 அரசு மருத்துவமனைகளில் குளிர்சாதன வசதியுடன் கூடிய கட்டணப் படுக்கை வார்டுகள் அமைக்கப்படுவதாக மக்கள் நல்வாழ்வுத் துறை அமைச்சர் மா.சுப்பிரமணியன் தெரிவித்தார்.

சென்னை கிண்டியில் உள்ள தமிழ்நாடு டாக்டர் எம்.ஜி.ஆர் மருத்துவப் பல்கலைக்கழகத்தில் டிஜிட்டல் பல் மருத்துவம் எனும் தலைப்பிலான இரு நாள் கருத்தரங்கை அமைச்சர் மா.சுப்பிரமணியன் செவ்வாய்க்கிழமை தொடங்கி வைத்தார்.

அப்போது, அனைத்து பட்டப்படிப்பு மாணவர்களும் தங்களது துறையில் ஒருங்கிணைந்த பயிற்சி மேற்கொள்ளும் நோக்கில் தமிழ்நாடு டாக்டர் எம்.ஜி.ஆர் மருத்துவப் பல்கலைக்கழகம் மற்றும் இந்திய அவசர சிகிச்சை மருத்துவ சங்கம், தமிழ்நாடு சுகாதார நலனுக்கான உயர்திறன் மேம்பாட்டு மையத்துடன் புரிந்துணர்வு ஒப்பந்தம் மேற்கொள்ளப்பட்டது.

அதன் பின்னர் தமிழகம் முழுவதும் உள்ள மருத்துவக் கல்லூரிகளில் அறிவியல் சுவரொட்டி விளக்க காட்சியை சிறப்பாக மேற்கொண்ட மாணவர்களுக்கு சான்றிதழை அமைச்சர் வழங்கினார்.