பேரவைத் தலைவருக்கு எதிரான மேல்முறையீட்டு மனு தள்ளுபடி

தமிழக சட்டப்பேரவைத் தலைவர் அப்பாவு மீதான குற்ற அவதூறு வழக்கு ரத்து செய்யப்பட்டதை எதிர்த்து அதிமுக செய்தித் தொடர்பாளர் ஆர்.எம். பாபுமுருகவேல் தாக்கல் செய்திருந்த மனுவை உச்சநீதிமன்றம் வியாழக்கிழமை விசாரணைக்கு ஏற்க மறுத்து தள்ளுபடி செய்தது.

சென்னையில் 2023, நவம்பரில் நடைபெற்ற ஒரு புத்தக வெளியீட்டு விழாவில் பேசிய பேரவைத் தலைவர் அப்பாவு, முன்னாள் முதல்வர் ஜெயலலிதா மறைந்த நேரத்தில், அதிமுகவை சேர்ந்த 40 எம்எல்ஏ-க்கள் திமுகவில் இணையத் தயாராக இருந்ததாகவும், அவரது பேச்சு அதிமுக எம்எல்ஏ-க்களுக்கு களங்கம் ஏற்படுத்தும் வகையில் இருப்பதாகவும் கூறி, அவருக்கு எதிராக அதிமுக செய்தித்தொடர்பாளர் ஆர்.எம். பாபு முருகவேல் அவதூறு வழக்கு தாக்கல் செய்திருந்தார்.