துணைவேந்தர் நியமன தேடுதல் குழுவில் விதிமீறல் இல்லை

ஆளுநருக்கு அமைச்சர் கோவி.செழியன் பதில்

சிதம்பரம் அண்ணாமலை பல்கலைக்கழகத்துக்கு புதிய துணைவேந்தரை நியமிக்க தேடுதல் குழுவை அரசு அமைத்ததில் எந்தவிதிமீறலும் இல்லை. உயர் கல்வித் துறை அமைச்சர் கோ.வி. செழியன் தெரிவித்துள்ளார்.

சிதம்பரம் அண்ணாமலை பல்கலைக்கழக புதிய துணைவேந்தரை தேர்வு செய்வதற்காக தமிழக அரசு அமைத்துள்ள தேடுதல் குழுவில் யுஜிசி பிரதிநிதி இடம் பெறவில்லை என்றும், இது யுஜிசி விதிமுறைகளுக்கும் உச்சநீதிமன்ற உத்தரவுக்கும் முரணானது என்று பல்கலைக்கழக வேந்தரான தமிழக ஆளுநர் ஆர்.என்.ரவி குற்றஞ்சாட்டியிருந்தார். அத்துடன் யுஜிசி பிரதிநிதியுடன் கூடிய தேடுதல் குழுவை நியமித்து அறிவிக்கை வெளியிட வேண்டும் என்றும் தமிழக அரசுக்கு அறிவுரை வழங்கியிருந்தார்.