போராட்டத்தில் ஈடுபட்ட பாஜகவினர் கைது

அண்ணா பல்கலை. வளாகத்தில் மாணவி பாலியல் வன்கொடுமை செய்யப்பட்டதைக் கண்டித்து, சென்னையில் வியாழக்கிழமை போராட்டத்தில் ஈடுபட்ட பாஜக மூத்த தலைவர் தமிழிசை சௌந்தரராஜன் உள்ளிட்ட அக்கட்சியினர் நூற்றுக்கும் மேற்பட்டோரை போலீஸார் கைது செய்தனர்.

வள்ளுவர்கோட்டத்தில் நடைபெற்ற இந்த போராட்டத்தில் முன்னாள் ஆளுநரும், பாஜக மூத்த தலைவருமான தமிழிசை சௌந்தரராஜன், கரு.நாகராஜன் உள்ளிட்ட ஏராளமானோர் கலந்து கொண்டனர். அனுமதியின்றி போராட்டத்தில் ஈடுபட்டதாக அனைவரையும் போலீஸார் கைது செய்தனர்.