விக்கிரவாண்டி சட்டமன்ற தொகுதி இடைத்தேர்தலை முன்னிட்டு வாக்கு எண்ணும் மையங்களில் நடைபெற்றுவரும் பணிகள் குறித்து ஆய்வுக்கூட்டம்

விக்கிரவாண்டி சட்டமன்ற தொகுதி இடைத்தேர்தலை முன்னிட்டு, விக்கிரவாண்டி வருவாய் வட்டாட்சியர் அலுவலகத்தில், அஞ்சல் வாக்குகள், வாக்குச்சாவடி மற்றும் வாக்கு எண்ணும் மையங்களில் நடைபெற்றுவரும் பணிகள் குறித்து ஆய்வுக்கூட்டம் மாவட்ட தேர்தல் அலுவலர் மாவட்ட ஆட்சித்தலைவர் பழனி தலைமையில் நேற்று நடைபெற்றது.

மாவட்ட தேர்தல் அலுவலர்/ மாவட்ட ஆட்சித்தலைவர் செய்தியாளர்களிடம் தெரிவிக்கையில், இந்திய தேர்தல் ஆணையத்தால், விழுப்புரம் மாவட்டம், விக்கிரவாண்டி சட்டமன்ற தொகுதிக்கான இடைத்தேர்தல் 10.07.2024 அன்று நடைபெறுவதையொட்டி, தேர்தல் முன்னேற்பாடு பணிகள் மேற்கொள்ளப்பட்டு வருகிறது.

அந்த வகையில், விருப்பம் தெரிவித்த 85 வயதிற்கு மேற்பட்ட மூத்த குடிமக்கள் மற்றும் மாற்றுத்திறனாளி வாக்காளர்களின் வீடுகளுக்கே சென்று வாக்கு சேகரிப்பு குறித்தும்,.

28.06.2024 முதல் 04.07.2024 வரை வீடு, வீடாக சென்று வாக்குச்சாவடி நிலை அலுவலர், கிராம நிர்வாக அலுவலர்கள் மூலம் வாக்காளர் அடையாளச் சீட்டு வழங்குவது தொடர்பாக ஆய்வு மேற்கொள்ளப்பட்டது.

மேலும், விக்கிரவாண்டிசட்டமன்ற தொகுதி இடைத்தேர்தலில் 275 வாக்குச்சாவடி மையங்கள் அமைக்கப்பட்டுள்ளது.