CM ભૂપેન્દ્ર પટેલે ઘાટલોડિયાની સ્કૂલમાં વિદ્યાર્થીઓ સાથે બેસી કાર્યક્રમ નિહાળ્યો

વિદ્યાર્થીઓએ ઉત્સાહપૂર્વક ‘પરીક્ષા પે ચર્ચા’ કાર્યક્રમ માણ્યો રાજ્યના 15 લાખ કરતા વધુ વિદ્યાર્થીએ કાર્યક્રમ માટે રજિસ્ટ્રેશન કરાવ્યું હતું

વડાપ્રધાન નરેન્દ્ર મોદીના ‘પરીક્ષા પે ચર્ચા' કાર્યક્રમમાં વિદ્યાર્થીઓએ ખૂબ જ ઉત્સાહપૂર્વક ભાગ લીધો હતો. અમદાવાદની તમામ સ્કૂલોમાં વિદ્યાર્થીઓ માટે કાર્યક્રમ નિહાળવાની વ્યવસ્થા કરવામાં આવી હતી. સમગ્ર રાજ્યના 15 લાખ જેટલા વિદ્યાર્થીઓએ કાર્યક્રમ માટે રજિસ્ટ્રેશન કરાવ્યું હતું. રાજ્યના મુખ્યમંત્રી ભૂપેન્દ્ર પટેલે ઘાટલોડિયાની સ્કૂલમાં વિદ્યાર્થીઓ સાથે બેસીને ‘પરીક્ષા પે ચર્ચા' કાર્યક્રમ નિહાળ્યો હતો. આ કાર્યક્રમમાં ભાગ લેવા માટે રાજ્યના બે વિદ્યાર્થી દિલ્હી ખાતે ગયા હતા.