தமிழகத்தின் இன-மொழி வரலாற்றை கட்டிக்காக்கும் இளம்தலைவர் உதயநிதி ஸ்டாலின்!

அமைச்சர் மா.சுப்பிரமணியன் புகழாரம்!!

சென்னை, நவ. 5 தமிழ்நாட்டின் இன, மொழி வரலாற்றை காத்து காக்கும் இளம் தலைவராக உதயநிதி ஸ்டாலின் உருவெடுத்து வருகிறார் என்று அமைச்சர் மா. சுப்பிரமணியன் பேசினார்.

சென்னை தெற்கு மாவட்ட தி.மு.க. செயலாளர் அமைச்சர் மா. சுப்பிரமணியன் ஏற்பாட்டில் கழக களப்போரில் துணை நிற்கும் "கருத்தியல் சொற்போர்வீரர்கள்" எனும் பொது தலைப்பின் கீழ் சைதை தேரடி தேடலில் பொதுக்கூட்டம் נערெந்தது.

இக்கூட்டத்தில் தனித்துவம் படைக்கும் இளைஞர் நலம் எனும் தலைப்பின் கீழ் நாமக்கல் மோகநிதி, சரித்திரம் படைக்கும் சமூக நலம் தலைப்பின் கீழ் செங்கல் பட்டு சிவரஞ்சனி, சாதனை படைக்கும் கல்வித்துறை எனும் தலைப்பின் கீழ் தஞ்சை வியானி விஸ்வா மற்றும் மகத்துவம் படைக்கும் மருத்துவத்துறை எனும் தலைப்பின் கீழ் விருகை சந்தோஷ் ஜெய் ஆகிய இளம் சிறப்புரையாற்றினர்.

பேச்சாளர்கள் பங்கேற்ற கூட்டத்தில் அமைச்சர் மா. சுப்பிரமணியன் சிறப்பு உரையாற்றி பேசினார்:

"சைதாப்பேட்டைத் தொகுதியின் சிறப்புகளைப் பற்றி இங்கேப் பேசியவர்கள் எல்லாம் மிகச் சிறப்பாக எடுத்துச் சொன்னார்கள். நான் மேடையிலேயே வீற்றிருக்கும் போது என் நினைவுகள் எல்லாம் பின்னோக்கிச் சென்றது.