சென்னை பிராட்வேயில் ரூ.822.70 கோடி செலவில் புதிய பஸ் நிலையம் – குறளகம் கட்டப்படும்!

அமைச்சர் சேகர்பாபு நேரில் ஆய்வு செய்த பின் பேட்டி!!

சென்னை பிராட்வேயில் ரூ.822.70 கோடி செலவில் புதிய பஸ் நிலையம் - குறளகம் கட்டப்படும் என்று அமைச்சர் சேகர்பாபு கூறினார்.

சென்னை பிராட்வேயில் புதிய பஸ் நிலையம் கட்டப்படவுள்ள இடத்தை அமைச்சர் பி.கே.சேகர்பாபு இன்று ஆய்வு செய்தார். பின்னர் அவர் பேசியதாவது:

பிராட்வே பேருந்து நிலையம் மேம்படுத்தப்படும் என்று தேர்தல் அறிக்கையில் முதல்வர் குறிப்பிட்டுள்ளதால் அந்த வகையில் இன்றைக்கு சென்னை மெட்ரோ ரெயில் நிறுவனம் வழியாக அரசினுடைய பங்கு 200 கோடி ரூபாயும், சென்னை பெருநகர வளர்ச்சிக் குழுமம் 115 கோடி ரூபாயும், டிபிட்கோ மூலம் 506 கோடி ரூபாயும் மற்றும் சென்னை மாநகராட்சியின் பங்களிப்போடு சேர்த்து மொத்தம் சுமார் 822.70 கோடி ரூபாய் செலவில் இந்த பிராட்வே பேருந்து நிலையம் உருவாக்கப்பட இருக்கின்றது.