1,476 வீடுகள், நூலகம், விளையாட்டு அரங்கம்: சென்னையில் ரூ.1,383கோடி செலவில் புதிய திட்டங்கள்!

முதலமைச்சர் இன்று மாலை அடிக்கல் நாட்டுகிறார்; 29 முடிவுற்ற பணிகளையும் தொடங்கி வைக்கிறார்!!

சென்னை, டிச.4 1,476 வீடுகள், நூலகம், விளையாட்டு அரங்கத்துடன் சென்னையில் ரூ.1,383 கோடி செலவில் புதிய திட்டங்களுக்கு முதலமைச்சர் மு.க.ஸ்டாலின் இன்று மாலை அடிக்கல் நாட்டுகிறார். மேலும் 29 முடிவுற்ற பணிகளையும் தொடங்கி வைக்கிறார்.

வட சென்னையில் போதிய அளவு அடிப்படை வசதிகளும், கட்டமைப்புகளும் இல்லாத நிலை உள்ளது. சென்னை மாநகரில் சமச்சீர் வளர்ச்சியை உறுதி செய்ய "வட சென்னை வளர்ச்சித் திட்டம்" என்ற திட்டத்தை 1,000 கோடி ரூபாய் செலவில் அடுத்த மூன்று ஆண்டுகளில் அரசு செயல்படுத்தும்.

இத்திட்டத்தில், கட்டமைப்புப் பற்றாக்குறைகளையும் வளர்ச்சிக் குறியீடுகளின் குறைபாடுகளையும் கண்டறிந்து, அவற்றைக் களைய நடவடிக்கை எடுக்கப்படும் என்று 2023-24ஆம் ஆண்டு தமிழக அரசு நிதிநிலை அறிக்கையில் அறிவிக்கப்பட்டது.