பிரிஸ்பேன் 3-ஆவது டெஸ்ட்: ஆஸ்திரேலியா 445 ரன்கள் குவிப்பு!

இந்திய அணி பேட்டிங்கில் தடுமாற்றம்!!

ஆஸ்திரேலியாவுக்கு ரான் 3ஆவது டெஸ்ட் போட்டியின் முதல் இன்னிங்ஸில் எதி ஆஸ்திரேலிய அணி 445 ரன்கள் குவித்து வலுவான நிலையில் உள்ளது. அதைத் தொடர்ந்து முதல் இன்னிங்சை தொடங்கிய இந்திய அணி சொற்ப ரன்களில் அடுத்தடுத்து விக்கெட்டுகளை இழந்து தடுமாறி வருகிறது.

ஆஸ்திரேலியாவில் சுற்றுப்பயணம் மேற்கொண்டுள்ள இந்திய கிரிக்கெட் அணி பார்டர் கவாஸ்கர் கோப்பைக்கான 5 போட்டிகள்கொண்ட டெஸ்ட் தொடரில் விளையாடி வருகிறது.

இதில் பெர்த்தில் நடந்த முதல் டெஸ்டில் இந்திய அணியும், அடிலெய்டில் போட்டியில் ஆஸ்திரேலியாவும் வென்று இரு அணிகளும் 1-1 என்ற கணக்கில் சமநிலை வகிக்கிறது. இந்நிலையில் இந்தியா ஆஸ்திரேலியா இடையிலான 3ஆவது டெஸ்ட் பிரிஸ்பேனில் நேற்று முன்தினம் தொடங்கியது. இந்த போட்டியில் அஸ்வின், ஹர்ஷித் ஆகியோர் அணியில் இருந்து நீக்கப்பட்டு அவர்களுக்கு பதிலாக ஜடேஜா, ஆகாஷ் தீப் ஆகியோர் ஆடும் லெவன் அணியில் சேர்க்கப்பட்டனர். டாஸ் வென்ற இந்திய அணியின் கேப்டன் ரோகித் சர்மா முதலில் பந்துவீச்சை தேர்வு செய்தார்.

முதல்நாள் ஆட்டம் மழையால் பாதிக்கப்பட்ட நிலையில், ஆஸ்திரேலிய வீரர்கள் நேற்றைய 2வது நாள் ஆட்டத்தில் அதிரடியாக ரன் குவிப்பில் ஈடுபட்டனர்.