திருவல்லிக்கேணியில் ரூ.20 லட்சம் வழிப்பறி: 3 வருமானவரி அதிகாரிகள், சப்-இன்ஸ்பெக்டர் கைது!

4 பேரும் தலா ரூ. 5 லட்சம் என பங்கு போட்டுக் கொண்டனர்!!

ஹவாலா பணம் ரூ.20 லட்சத்தை பறித்துச் சென்ற வழக்கில் காவல் துறை உதவி ஆய்வாளர் மற்றும் வருமான வரித்துறை அதிகாரிகள் 3 பேர் என மொத்தம் 4 பேரை போலீசார் கைது செய்துள்ளனர்.

சென்னை பழைய வண்ணாரப்பேட்டை தெருவில் வசிப்பவர் முகமது கவுஸ் (31). இவர் வாணி நடராஜன் யம்பாடி பகுதியைச் சேர்ந்த ஜூனைத் அகமது (36) என்பவரிடம் வேலை செய்து வருகிறார்.

கடந்த 15 ஆம் தேதி முகமது கவுஸை புதிய சிடி ஸ்கேன் மிஷின் வாங்க வேண்டும் என்று கூறி ரூ.20 லட்சம் பணத்தை ஜூனைத் அகமது கொடுத்துள்ளார்.

பிறகு பணத்துடன் சென்னை வந்தார் முகமது கவுஸ். இந்த நிலையில் நேற்றுமுன்தினம் அவருக்கு போன் செய்த ஜூனைத் அகமது, திருவல்லிக்கேணி தியில் வசித்து வரும் ஹரீஷ் என்பவர் ரூ.10 லட்சம் தரவேண்டும். அவரிடம் சென்று அந்த பணத்தையும் வாங்கிக் கொள் என்று தெரிவித்துள்ளார்.