சிட்னி கடைசி டெஸ்ட் போட்டி: இந்திய அணி முதல் இன்னிங்ஸில் 185 ரன்களுக்கு ஆல் அவுட் ஆனது! ஆஸ்திரேலியா பந்துவீச்சில் மிரட்டல்!!

சிட்னியில் இன்று தொடங்கிய இந்தியா-ஆஸ்திரேலியா இடையிலான கடைசி டெஸ்ட் போட்டியில் முதலில் வினையாடிய இந்திய அணி, முதல் இன்னிங்ஸில் 185 ரன்களுக்கு ஆல் அவுட் ஆனது. ஆஸ்திரேலிய பவுலர்கள் வேகப் பந்து வீச்சில் மிரட்டினர்.

ஆஸ்திரேலியாவில் சுற் றுப்பயணம் மேற்கொண்டு இருக்கும் இந்திய கிரிக்கெட் அணி, பார்டர்கவாஸ்கர் கோப்பைக்கான 5 போட்டிகளில் கொண்ட டெஸ்ட் தொடரில் விளையாடி வருகிறது. இதில் பெர்த்தில், கேப்டன் பும்ரா தலைமையில் நடந்த முதல் டெஸ்டில் மட்டும் இந்திய அணி வெற்றி பெற்றது.

அடிலெய்டில் நடந்த 2ஆவது போட்டியிலும், மெல்போர்னில் நடந்த 4ஆவது டெஸ்ட் போட்டியிலும், ஆஸ்திரேலிய வெற்றி பெற்றது. பிரிஸ்பேனில் நடந்த 3ஆவது டெஸ்ட் டிராவில் முடிந்தது. இதன் மூலம் 5 போட்டிகள்கொண்ட தொடரில் ஆஸ்திரேலிய அணி 2-1 என்ற கணக்கில் முன்னிலை வகிக்கிறது. இந்திய அணி, இரு அணிகள் மோதும் 5ஆவது மற்றும் கடைசி டெஸ்ட் போட்டியில் சிட்னி கிரிக்கெட் மைதானத்தில் இன்று தொடங்கியது.