બિપરજોયઃ ગુજરાત-મહારાષ્ટ્ર સહિત નવ રાજ્યમાં હાઈ એલર્ટ, ૧૫૦ કિમીની ઝડપે પવન ફૂંકાશે

દરિયાકાંઠા વિસ્તારોમાં મુશળધાર વરસાદ: દરિયાઈ મોજાંમાં ઉછાળો અને ભારે પવન

મુંબઇ, બુધવાર

અરબ સાગરમાં ઊઠી રહેલા ચક્રવાતી તોફાન બિપ૨જોયને લઇ ગુજરાત અને મહારાષ્ટ્રની સુરક્ષા એજન્સીઓ એલર્ટ પર છે. આ ચક્રવાત ગુરુવારે એટલે કે ૧૫ જૂને બપોરે ત્રાટકવાની શક્યતા છે, પરંતુ ચક્રવાત પહેલાં પણ આ દરિયાકાંઠા વિસ્તારોમાં ભારે વરસાદ, દરિયાઈ મોજાંમાં ઉછાળો અને જોરદાર પવન જોવા મળી શકે છે. દરિયામાં તોફાન ચાલી રહ્યું છે. ૧૫૦ કિલોમીટરની ઝડપે પવન ફૂંકાય તેવી શક્યતા છે, જોકે તટ સાથે ટકરાયા બાદ તેની ગતિ ધીમી થઈ જશે. કેન્દ્રીય પ્રધાનોને અલગ અલગ જવાબદારી સોંપવામાં આવી છે.