કડકડતી ઠંડી માટે હજુ રાહ જોવી પડશે

કોલ્ડવેવના દિવસોની સંખ્યા સામાન્ય કરતાં ઓછી રહેશે

આ વખતના શિયાળામાં લોકોને સાવ અલગ અનુભવ થઈ રહ્યો છે. લોકોએ ઠંડી પડવાની ગણતરી સાથે ગરમ કપડાંધાબળા વગેરે પણ તૈયાર રાખ્યાં છે ત્યારે પહેલી વાર શિયાળામાં પણ લોકોને ઠંડી માટે રાહ જોવી પડશે. દિલ્હી-એનસીઆર અને ઉત્તર ભારતના અન્ય ભાગોમાં લોકોને હજુ પણ દિવસ દરમિયાન હળવી ગરમી અનુભવાઈ રહી છે. ગુજરાત સહિત અનેક રાજ્યમાં લોકોને બપોરે પંખા ચલાવવાની ફરજ પડી રહી છે. સવારસાંજ હળવી ઠંડક અનુભવાય છે પણ ઘરમાં હજુ પણ ગરમી અનુભવાઈ રહી છે ત્યારે હવામાન વિભાગની આગાહી અનુસાર દેશના મોટા ભાગના વિસ્તારમાં શિયાળા દરમિયાન લઘુતમ અને મહત્તમ તાપમાન સામાન્ય કરતાં વધુ રહેવાનું અનુમાન છે.