કોમ્બિંગ નાઈટમાં રાહત મળતાં બુટલેગર્સ એક્ટિવ થયાઃ ક્રાઈમ બ્રાંચે ઘરમાંથી દારૂનો જથ્થો ઝડપ્યો

જૂના વાડજ અને નવા નરોડામાં આવેલાં મકાનમાં ક્રાઈમ બ્રાંચતા દરોડાઃ દારૂનો જથ્થો જપ્ત

ક્રિસમસ આવે તેના એક મહિના પહેલાં દારૂડિયાઓને રીઝવવા માટે બુટલેગર્સ પૂરેપૂરી તૈયારી કરી લેતા હોય છે, પરંતુ છેલ્લા ઘણા સમયથી પોલીસ દ્વારા શહેરમાં કિલ્લેબંધી કરીને કોમ્બિંગ નાઇટનું આયોજન કરાતાં બુટલેગર્સના ઇરાદા પર પાણી ફેરવાઇ ગયું હતું. પોલીસે કોમ્બિંગ નાઇટમાં થોડી રાહત આપતાં બુટલેગર્સ ફરીથી ભૂગર્ભમાંથી બહાર આવ્યા હતા અને વિવિધ મોડસ ઓપરેન્ડીનો ઉપયોગ કરીને દારૂનો જથ્થો મંગાવવાનું શરૂ કરી દીધું હતું. પોલીસે ભલે કોમ્બિંગ હળવું કરી દીધું હોય, પરંતુ તેમની બાજનજર તો બુટલેગર્સ ૫૨ હતી, જેના લીધે ગઇ કાલે પોલીસને ઘણી સફળતા મળી છે. ક્રાઇમ બ્રાંચની ટીમે અલગ અલગ જગ્યા પર દરોડા પાડીને દારૂનો જથ્થો ઝડપી પાડ્યો છે ત્યારે સ્થાનિક પોલીસે પણ નાની-મોટી કામગીરી કરી છે.