હેલ્થ ઈઝ વેલ્થઃ શહેરનાં જોગર્સપાર્ક, બગીચા અને જિમ આરોગ્ય પ્રેમીઓથી ધમધમતાં થયાં

અમદાવાદીઓ ફિટનેસ પ્રત્યે અગાઉતા વર્ષ કરતાં હવે વધુ એલર્ટ થયા

આરોગ્યવર્ધક શિયાળાની ઋતુએ જોર પકડતાં જ શહેરના જોગર્સ પાર્ક, બાગ-બગીચાઓ તેમજ જિમ આરોગ્યપ્રેમીઓની અવરજવરથી સતત ધમધમતાં જોવા મળી રહ્યા છે. હવે હેલ્થ પ્રત્યે અવેરનેસ વધતા વોકિંગ કરનારામાં યુવાનો અને ગૃહિણીઓની સંખ્યામાં નોંધપાત્ર વધારો થઇ રહ્યો છે.

વહેલી સવારથી જ આરોગ્યપ્રેમીઓ નિયમિત વોકિંગ, યોગાસન, પ્રાણાયામ, રમતગમત સહિતની આરોગ્યવર્ધક પ્રવૃત્તિઓમાં મગ્ન થઈ જાય છે. ફિટનેસ પ્રત્યે. અગાઉનાં વર્ષો કરતાં શહેરીજનો હવે વધુ એલર્ટ થયા છે અને તેઓ આરોગ્યની વિશેષ કાળજી પણ રાખી રહ્યા છે.