મધ્યપ્રદેશના દેવાસમાં સિલિન્ડર બ્લાસ્ટ: એક જ પરિવારના ચાર સભ્યોનાં મોત

બ્લાસ્ટ બાદ નીચે ડેરીમાં આગ ફાટી નીકળીઃ ઉપરના માળે સૂતેલાં પતિ-પત્ની અને બે બાળકોએ શ્વાસ રૂંધાવાથી જીવ ગુમાવ્યા

મધ્યપ્રદેશના દેવાસમાં હૃદયદ્રાવક કરુણાંતિકા સામે આવી છે. દેવાસ માં આજે વહેલી સવારે એક મકાનમાં ભયાનક આગ લાગી હતી. બીજા માળે સૂતેલાં પતિ-પત્ની અને તેમનાં બે બાળકોનાં શ્વાસ રૂંધાઈ જવાથી મોત થયાં હતાં. એવું જણાવવામાં આવી રહ્યું છે કે નીચે આવેલી ડેરીમાં ગેસ સિલિન્ડર ફાટવાના કારણે આ આગ લાગી હતી. પહેલા માળે ડેરી પ્રોડક્ટ્સ રાખવામાં આવી હતી, જેના કારણે આગ કાબૂ બહાર થઈ ગઈ હતી.