மொட்டுவின் முட்டு இன்றேல் ரணில் அவுட்

ஸ்ரீலங்கா பொதுஜன பெரமுனவின் ஆதரவு கிடைக்காவிட்டால் ஜனாதிபதித் தேர்தலில் ரணில் விக்கிரமசிங்க போட்டியிட மாட்டார் என்று ஐக்கிய மக்கள் சக்தி பாராளுமன்ற உறுப்பினர் துஷார இந்துநில் தெரிவித்தார்.

இதேவேளை ஜனாதிபதியுடன் ஐக்கிய மக்கள் சக்தியில் இருந்து சரத் பொன்சேகா மற்றும் ராஜித சேனாரட்னவை தவிர வேறு எவரும் இணைய மாட்டார்கள் என்றும் அவர் குறிப்பிட்டுள்ளார்.

பாராளுமன்றத்தில் புதன்கிழமை (24) நடைபெற்ற செயற்கை நுண்ணறிவு தொழில்நுட்பம் தொடர்பான சபை ஒத்திவைப்புவேளை விவாதத்தில் உரையாற்றும் போதே துஷார இந்துநில் இவ்வாறு கூறினார்.

அவர் அதன்போது மேலும் கூறுகையில், செயற்கை நுண்ணறிவு தொழில்நுட்பத்தில் நாங்கள் உலக நாடுகளிடையே பின்னடைவிலேயே இருக்கின்றோம்.

வளங்கள் வரையறுக்கப்பட்டுள்ள எம்மைப் போன்ற நாடுகளில் இவ்வாறான தொழில்நுட்பங்களை பயன்படுத்த வேண்டும் என்பதனை ஏற்றுக்கொள்ள வேண்டும். நாங்கள் உலக நாடுகளுடன் தொழில்நுட்பத்தில் முன்னேற்றமடைய வேண்டும்.