“விவசாயிகளுக்கு நிவாரணம் வழங்குவேன்"

விவசாயிகளுக்கு தேவையான சிறந்த தரத்திலான 50 கிலோ கிராம் எடையுள்ள உரம் மூடை ஒன்றை 5,000 ரூபாவுக்கு வழங்குவதற்கு நடவடிக்கை எடுக்கப்படும்.

விவசாய இரசாயன மருந்துகள், உரம் என்பனவற்றுக்கு ஒழுங்கு முறையான விலை நிர்ணயத்தை மேற்கொண்டு, இருட்டடிப்புச் செய்கின்ற வர்த்தகர்களின் விலை அதிகரிப்புக்கு இடமளிக்காது. மக்களால் ஏற்றுக்கொள்ள முடியுமான விலைக்குப் பொருட்கள் வழங்கப்படும். உர விநியோகத்தின்போது கம நல சேவைகள் மத்திய நிலையத்தை மையமாகக் கொண்டு வெளிப்படைத் தன்மையுடன் இந்த வேலை திட்டங்கள் முன்னெடுக்கப்படும் என்று எதிர்க்கட்சித் தலைவர் சஜித் பிரேமதாச தெரிவித்தார்.

2024 ஜனாதிபதித் தேர்தலுக்கான ஐக்கிய மக்கள் சக்தியின் 14.ஆவது மக்கள் வெற்றிப் பேரணி எதிர்க்கட்சித் தலைவர் சஜித் பிரேமதாச தலைமையில் ஞாயிற்றுக்கிழமை(25) பொலன்னறுவை, ஹிங்குராங்கொட நகரில் இடம்பெற்றது.

இதில் கலந்துகொண்டு கருத்து தெரிவிக்கும் போது அவர் இவ்வாறு தெரிவித்தார்.

மேலும், QR Code முறையை மையப்படுத்தி விவசாயிகளுக்கு மீள்பிடித் தொழிலாளர்களுக்கு, முச்சக்கர வண்டி சாரதிகளுக்கு, பாடசாலை போக்குவரத்து சேவையாளர்களுக்கு, ஆலையுரிமையாளர்களுக்கு எரிபொருள் நிவாரணம் வழங்கப்படும்.