“ஸ்ரீலங்கா சுதந்திரக் கட்சி வழங்கிய ஆதரவை மறக்க மாட்டேன்”

நாட்டுக்காக அரசியல் கட்சிகள் ஒன்றிணைந்து செயற்பட முடியும் என்பதை தற்போதைய அரசாங்கம் நிரூபித்துள்ளதாகவும், அதன்படி, புதிய இலங்கையை உருவாக்கும் போராட்டம் முன்னெடுக்கப்பட்டு வருவதாகவும் ஜனாதிபதி ரணில் விக்ரமசிங்க தெரிவித்தார்.

வாக்குகளைத் திருடும் நிலைக்கு ஐக்கிய மக்கள் சக்தி தள்ளப்பட்டிருப்பதாகச் சுட்டிக்காட்டிய ஜனாதிபதி, ஜே.வி.பி. கடந்த காலத்தை மறந்து விட்டது என்றும் கடந்த காலத்தை மறந்துவிட்டு எதிர்காலத்திற்குச் செல்ல முடியாது என்றும் சுட்டிக்காட்டினார்.

பத்தரமுல்ல-மொனார்ஷ் இம்பீரியல் ஹோட்டலில் திங்கட்கிழமை (02) நடைபெற்ற ஸ்ரீலங்கா சுதந்திரக் கட்சியின் 73ஆவது தேசிய மாநாட்டில் கலந்துகொண்டு உரையாற்றும் போதே ஜனாதிபதி இதனைத் தெரிவித்தார்.

கடந்த 2 வருடங்களில் வீழ்ந்த நாட்டை கட்டியெழுப்புவதற்கு ஸ்ரீலங்கா சுதந்திரக் கட்சி வழங்கிய ஆதரவை ஒருபோதும் மறக்க முடியாது எனவும் ஜனாதிபதி குறிப்பிட்டுள்ளார்.